“მიმაჩნია, რომ „მრეწველების“ ადგილი არის კოალიცია „ქართულ ოცნებაში“, გოგი თოფაძის ადგილი არ არის არც „მრეწველებში“ და არც კოალიციაში“ - აღნიშნული განცხადება „რესპუბლიკელმა" ლევან ბერძენიშვილმა ჟურნალისტებთან საუბრისას გააკეთა.

„ყველა თავად გადაწყვეტს ვინ გავიდეს კოალიციიდან ან ვინ შემოვიდეს. რაც შეეხება „რესპუბლიკელებს“, ჩვენ არსად წასვლას არ ვაპირებთ, ვრჩებით კოალიციაში. ჩვენი თავდაცვის მინისტრი მუშაობს კარგად ძალიან კარგად. მე როგორც ევროპასთან ინტეგრაციის კომიტეტის თავმჯდომარე ერთგული ვარ ევროპასთან ინტეგრაციის იდეის. ვინც არ არის ამ იდეის ერთგული, მისი ადგილი არ არის აქ. ჩვენი ადგილი არის იქ, სადაც ახლა ვართ“ - აღნიშნა ბერძენიშვილმა.

დატოვებს თუ არა ესა თუ ის პოლიტიკური ძალა კოალიციას, პოლიტსაბჭოს სხდომაზე გახდება ცნობილი. ფრაქცია „ქართული ოცნების“ თავმჯდომარის, გია ვოლსკის განცხადებით, პოლიტსაბჭოს სხდომა, აღნიშნული თემებიდან გამომდინარე საკმაოდ ცხელი და ხმაურიანი იქნება.