ავსტრიის ქალას გიოტცში მსოფლიოს გაერთიანებული ჭიდაობის ფედერაციის (UWW) ეგიდით გაიმართა ავსტრიის რიგით მე-6 ღია პირველობა ახალგაზრდებს შორის ბერძნულ-რომაულ ჭიდაობაში სადაც 14 ქვეყნის ნაკრებმა პირველი შემადგენლობით მიიღო მონაწილეობა.
საქართველოს ჭიდაობის ეროვნული ფედერაციის ინფორმაციით, ტურნირი საქართველოს ნაკრების სრული ტრიუმფით დასრულდა, ზაზა სილაგაძის და მუხრან მაჭუტაძის ხემლძღვანელობით ჩვენმა ნაკრებმა 8 წონითი კატეგორიიდან 6 ოქროს, 1 ვერცხლის და 1 ბრინჯაოს მედალი, ხოლო გუნდურ ჩათვლაში პირველი ადგილი დაიკავა.
ტურნირის ჩემპიონები გახდნენ ნუგზარ წურწუმია (50), გიორგი კურტანიძე (66), თემურ ჭკუასელიძე (74), გურამ ხეცურიანი (84), გიორგი მელია (96) და ზვიად პატარიძე (120), ვერცხლის მედალს ლევან ქავჟარაძე (60) დაეუფლა, ბრინჯაო კი დავით ჩხარტიშვილის (55) ანგარიშზეა.
საერთო გუნდურ ჩათვლაში საქართველოს ნაკრებმა 77 ქულით პირველობა არავის დაუთმო, მეორეზე უნგრეთი გავიდა 53 ქულით, მესამეზე აშშ 46 ქულით.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.