ჩრდილოეთ კორეამ ზღვაში რამდენიმე, ახლო მანძილზე მიმავალი ჭურვი გაუშვა. ამის შესახებ ინფორმაციას BBC სამხრეთ კორეის თავდაცვის სამინისტროზე დაყრდნობით ავრცელებს. ჭურვების გაშვება გაერო-ს უშიშროების საბჭოს მიერ ჩრდილოეთ კორეისთვის ყველაზე მკაცრი სანქციების ერთსულოვნად დაწესებიდან რამდენიმე საათში მოხდა.


სამხრეთ კორეის თავდაცვის სამინისტროს წარმომადგენელმა Yonhap-ის საინფორმაციო სააგენტოს განუცხადა, რომ ჭურვები ადგილობრივი დროით დაახლოებით 10:00 საათზე აღმოსავლეთ სანაპიროზე მდებარე ვონსანიდან გაუშვეს. მან განაცხადა, რომ ისინი ჯერ კიდევ ცდილობენ განსაზღვრონ ზუსტად რა იქნა გაშვებული.


გაერო-ს ახალი ზომები პასუხია ჩრდილოეთ კორეის მიერ ახლახან განხორციელებული ბირთვული გამოცდისა.


ახალი სანქციების შესაბამისად, ყველა გემი, რომელიც ჩრდილოეთ კორეაში შედის, თუ იქიდან გამოდის, შემოწმდება. ამავე სანქციების თანახმად, 16 პირი და 12 ორგანიზაცია შავ სიაში შეიყვანეს.

გემების სავალდებულო შემოწმების გარდა, სანქციები ასევე მოიცავს ირაღის გაყიდვისა და ჩრდოლოეთ კორეაში მსუბუქი შეიარაღების გადატანის აკრძალვას და ქვეყნიდან იმ დიპლომატების გაძევებას, რომელნიც ჩართულნი არიან "არაკანონიერ აქტივობებში".


შეერთებული შტატები და ჩრდილოეთ კორეის დიდი ხნის მოკავშირე ჩინეთი, ახალ სანქციებს 7 კვირა განიხილავდნენ.


შეერთებული შტატების პრეზიდენტმა ბარაქ ობამამ განაცხადა, რომ საერთაშორისო საზოგადოება "ერთი ხმით" საუბრობდა, რომ ეთქვა ჩრდილოეთ კორეისთვის, რომ მან, "უნდა მიატოვოს ეს სახიფათო პროგრამები და აირჩიოს უკეთესი გზა თავისი ხალხისათვის".


ჩრდილოეთ კორეა დაჟინებით ამტკიცებს, რომ მისი სარაკეტო პროგრამა წმინდა წყლის სამეცნიერო ხასიათისაა, მაგრამ, შეერთებული შტატები, სამხრეთ კორეა და თვით ფხენიანის მოკავშირე ჩინეთიც კი ამბობენ, რომ მსგავსი რამ, რაც მაგალითად ჩრდილო კორეამ გააეთა, როცა ორბიტაზე სატელიტი გაუშვა გასულ თვეს, მიზნად ისახავს ინტერკონტინენტალური ბალისტიკური რაკეტების განვითარებას.