დიდ დიღომში, ჰიპერმარკეტ "გუდვილის" მიმდებარე ტერიტორიაზე გამთენიისას წყლის მილი გასკდა. ძლიერი წნევის გამო მიწიდან ამოხეთქილმა წყალმა ახლოს მდებარე 4 საცხოვრებელი კორპუსის მიწისქვეშა გარაჟები და სარდაფები დატბორა. ინფორმაციას და ვიდეო მასალას აღნიშნულის შესახებ ”რუსთავი 2” ავრცელებს.
ადგილობრივი მოსახლეობის თქმით, 112-ის რეაგირება საკმაოდ დაგვიანებით მოხდა და სამაშველო სამსახური საათნახევრის შემდეგ მოვიდა. მათი თქმით, ერთ-ერთ მიწისქვეშა გარაჟში 8 მანქანა დაზიანდა. როგორც ერთ-ერთმა ადგილობრივმა მცხოვრებმა განაცხადა, მერიის მიერ გაკეთებული სანიაღვრეები დახურულია და ამის გამო კორპუსების მიმდებარე ტერიტორიების დატბორვა მოხდა.
შსს-ს საგანგებო სიტუაციების მართვის სააგენტოს თბილისის სამმართველოს უფროსის მოადგილის, დავით გელაშვილის განცხადებით, წყლის ჭავლი 10-12 მეტრს აღწევდა. ამ მომენტისთვის კი წყალი გადაკეტილია.
"შემთხვევის შედეგად 4 კორპუსი, ერთი ცალკე მდგომი, სამი კი გადაბმული კორპუსი დაიტბორა. წყალმა ასევე გრუნტის მოძრაობა გამოიწვია, ქვები რომელიც ეყარა რომელმაც დააზიანა 8-10 მანქანა," განაცხადა გელაშვილმა.
ადგილზე საავარიო ჯგუფი მუშაობს. მიმდინარეობს წყლის ამოტუმბვის სამუშაოები.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.