მთავრობაში, ჯერჯერობით არანაირ ცვლილებებს არ ველოდები, თუმცა, ეს არ ნიშნავს, რომ ხვალ, ზეგ რაიმე არ მოხდება, - ამის შესახებ დევნილთა და განსახლების მინისტრმა, სოზარ სუბარმა აღმასრულებელ ხელისუფლებაში შესაძლო საკადრო ცვლილებებთან დაკავშირებით განაცხადა.
"პრემიერ-მინისტრმა თქვა ძალიან მნიშვნელოვანი რამ, რომ უაღრესად მნიშვნელოვანია მთავრობის გუნდური პოზიცია, რადგან მთავრობა არის ერთიანი გუნდი. მართალია, თითოეული მინისტრი თავის უწყებას ხელმძღვანელობს, მაგრამ გადაწყვეტილებების მიღება ხდება გუნდურად, მთავრობაზე და ძალიან მნიშვნელოვანია, რომ თითოეული ჩვენგანი ზუსტად და დეტალურად იყოს ინფორმირებული იმაში, თუ რა ხდება სხვა სამინისტროებში და გუნდურად ვიღებდეთ პასუხისმგებლობას ქვეყნის და ხალხის წინაშე.
რაც შეეხება იმას, თუ როგორ გავა კოალიცია არჩევნებზე, პრემიერ-მინისტრმა თქვა, რომ ჩვენ ვართ კოალიცია და თითოეული გადაწყვეტილება იქნება კოალიციური, ერთიანად მივდივართ, მაგრამ თუ რამე ცვლილება მოხდა, ესეც ჩვეულებრივი ამბავია. ამასწინათ ნახევრად ხუმრობით ვთქვი კიდეც, რომ გაცილებით მნიშვნელოვანი კოალიციები დაშლილა და ბოლოს და ბოლოს ერთა ლიგა დაიშალა", - განაცხადა სუბარმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.