ეროვნულ სასწავლო ცენტრ „კრწანისში“ კავშირგაბმულობის უმცროს ოფიცერთა სპეციალიზაციის კურსი დასრულდა. კურსის დასრულებისადმი მიძღვნილ საზეიმო ცერემონიალს საქართველოს შეიარაღებული ძალების გენერალური შტაბის უფროსი, გენერალ-მაიორი ვახტანკ კაპანაძე და წვრთნებისა და სამხედრო განათლების სარდალი, პოლკოვნიკი მალხაზ მაკარაძე დაესწრნენ.
„თანამედროვე ბრძოლის ველი წარმოუდგენელია მყარი, ფარული და უწყვეტი კავშირგაბმულობის გარეშე. ეს არის უზრუნველყოფის აუცილებელი პირობა, რომლის გარეშეც წარმატების მიღწევა შეუძლებელია. სამწუხაროდ უახლოესი წარსულიდან ძალიან ცუდი მაგალითები გვქონდა, რომლის გამეორებას ნამდვილად არ ვაპირებთ. ჩვენ ვიცით როგორ გავაუმჯობესოთ არსებული ვითარება და როგორ მოვამზადოთ პირადი შემადგენლობა. ვიცით რა აღჭურვილობით უნდა აღიკაზმოს მომავალი ქართველი კავშირგაბმულობის მებრძოლი თუ მართვის პუნქტი, მაგრამ ყველაფერს ადამიანი სჭირდება. ადამიანი მართავს ყველა სისტემას და ამიტომაც მაქსიმალურ ყურადღებას ვაქცევთ კადრების მომზადებას. მიხარია რომ შეიარაღებულმა ძალებმა კვალიფიციურად მომზადებული მეკავშირეების კიდევ ერთი გამოშვება მიიღო,“ – განაცხადა გენერალ-მაიორმა ვახტანგ კაპანაძემ.
კავშირგაბმულობის სპეციალიზაციის კურსი 15-მა მსმენელმა დაამთავრა. 23 კვირის განმავლობაში მსმენელებმა ელექტროობის თეორია და კომპიუტერული ქსელები, კავშირგაბმულობის თეორია, მოკლეტალღოვანი, ულტრა-მოკლეტალღოვანი და დეციმეტრული რადიო სადგურების წარმოება შეისწავლეს.
ცერემონიის ბოლოს გენერალ-მაიორმა ვახტანგ კაპანაძემ კურსდამთავრებულებს დიპლომები გადასცა. დღეიდან, კურსებში მონაწილე სამხედრო მოსამსახურეები საკუთარ ქვედანაყოფებში გააგრძელებენ სამსახურს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.