შეერთებული შტატების ეკონომიკას თებერვალში 242 000 სამუშაო ადგილი დაემატა, გაცილებით, 52 ათასით მეტი, ვიდრე ამას ეკონომისტები მოელოდნენ.

შრომის დეპარტამენტის მიერ გამოქვეყნებული ციფრი ხაზს უსვამს შეერთებული შტატების ეკონომიკის სიძლიერეს, რამაც შესაძლოა ფედერალურ რეზერვს საშუალება მისცეს, მიმდინარე წელს, ზაფხულიდან, თანდათან გაზარდოს საპროცენტო განაკვეთი.

დეკემბერსა და იანვარში კი დამატებით, წინასწარი შეფასებით გაკეთებული დასკვნებისაგან განსხვავებით, 30 000 -ით მეტი სამუშაო ადგილი შეიქმნა. უმუშევრობის პროცენტული მაჩვენებელი იანვრიდან მოყოლებული უცვლელია და ის 4.9%-ს შეადგენს, რაც ბოლო 8 წლის განმავლობაში ყველაზე დაბალია.

გასულ კვირას ოფიციალურმა ციფრებმა აჩვენა, რომ შეერთებული შტატების ეკონომიკა კვარტალში 1 %-ით გაიზარდა. წინასწარი შეფასებისას გაკეთებული ანალიზით კი, ზრდას 0.7%-ით მოელოდნენ.

მომსახურების სექტორმა გასულ თვეს ჯამში, 245 ათასი სამუშაო ადგილი შექმნა, მას შემდეგ რაც იანვარში ამერიკის ეკონომიკას 153 000 ადგილი დაამატა, მაშინ როცა მშენებლობამ 19 000, ხოლო მთავრობამ 12 000 სამუშაო ადგილის შექმნა შეძლო. მიუხედავად ამისა, 18 000 სამუშაო ადგილი დაიკარგა მაღაროებში და 16 000 გადამამუშავებელ მრეწველობაში, მაშინ როცა იანვარში ამ უკანასკნელში გასაოცარ ზრდას ჰქონდა ადგილი.

შეერთებულ შტატებში სამუშაო ადგილები სწრაფი ტემპით იზრდება. მაგალითად, გასული წლის დეკემბერში ეკონომიკას 292, 000 სამუშაო ადგილი დაემატა და ამ მხრივ ზრდა სოლიდური, მოლოდინებზე გაცილებით მეტი დაფიქსირდა. დასაქმების ბიუროს სტატისტიკის მიხედვით, უმეშევართა რიცხვმა მაშინ ბოლო 7 წელიწად-ნახევარში ყველაზე დაბალი, 5 პროცენტი შეადგინა.

გასული წლის დეკემბერში ზრდა გამოვლინდა პროფესიულ და ბიზნეს მომსახურების, სამშენებლო, ჯანდაცვის, ასევე კვების ობიექტებში დასაქმების მიმართულებით.

ამას დამატებული, 2015 წლის ოქტომბერსა და ნოემბერში, როგორც ეს ციფრებმა აჩვენა, 50 ათასით მეტი სამუშაო ადგილი შეიქმნა, ვიდრე ეს მანამდე იყო მიჩნეული.

არც გასული წლის დეკემბერში არ დაფიქსირებულა ყველა სექტორში სამუშაო ადგილების შექმნა. მაგალითად, მაღაროებში მაშინაც ადგილების კლებას ჰქონდა ადგილი, და ის 8 000 -ით დაეცა და თუ ამ სექტორში მთელი 2015 წლის მონაცემებს ავიღებთ, საერთო ჯამში სამუშაო ადგილები აქ 2015 წელს, 129 000-ით შემცირდა.

2015 წლის მეოთხე კვარტალში ამერიკის შეერთებული შტატების ეკონომიკამ თვეში საშუალოდ 284 000 სამუშაო ადგილი შექმნა, რაც წელიწადში, 3 თვის განმავლობაში საუკეთესო მაჩვენებელია.

ეს სოლიდური ციფრები გვარწმუნებს შეერთებული შტატების ეკონომიკის სიძლიერესა და წინააღმდეგობის გაწევის უნარის შესაძლებლობაში იმ დროს, როცა მსოფლიოს მეორე უდიდესი ეკონომიკის მქონე ჩინეთში ბაზრებზე ალიაქოთია შექმნილი, ხოლო გლობალურ ეკონომიკაში გაურკვევლობა სუფევს.

მომხმარებელთა თამამმა ხარჯვამ წაახალისა დამსაქმებლები, ძლიერი დოლარის პირობებში ექსპორტის შემცირების საკომპენსაციოდ, მეტი თანამშრომლები აიყვანონ.