დუშეთში, მუნიციპალიტეტის გამგეობის მხარდაჭერით, კულტურათა გადაკვეთის საპროექტო ასოციაციის (CCPA) პროექტ „სახალისო ფეხბურთი ღია სკოლები“ ფარგლებში, სასპორტო გაერთიანებასთან „სახალისო ფეხბურთის ღია სკოლა“ დაფუძნდა.

გამგეობის ცნობით, პროექტი, საქართველოში 2003 წლიდან წარმატებით ხორციელდება და მისი მიზანი, მომავალ თაობაში ცხოვრების ჯანსაღი წესისა და ფეხბურთის პოპულარიზაციაა.

„ჩატარდა მოსაზმადებელი სამუშაოები და შეძენილი იქნა საჭირო ინვენტარი, იმისათვის რომ სკოლამ უზრუნველყოს ახალგაზრდებისათვის სავარჯიშო გაკვეთილების პერიოდული ჩატარება.

მიმდინარე წლის 14 სექტემბერს, ქ. დუშეთში, შპს. „ოლიმპიური სახლის“ საფეხბურთო მოედანზე, „სახალისო ფეხბურთის ღია სკოლის“ ორგანიზებით პირველის სავარჯიშო გაკვეთილები ჩატარდა, რომელშიც 7-დან 13 წლამდე ასაკის ბავშვები მონაწილეობდნენ. თითოეულ მონაწილეს სპორტული ფორმები და მაისურები გადაეცა, აგრეთვე დარიგდა სავარჯიშო ბურთები“, აღნიშნულია დუშეთის მუნიციპალიტეტის გამგეობის მიერ გავრცელებულ ინფორმაციაში.