პარტია „ქართული ოცნება - დემოკრატიული საქართველოს“ ხულოს მერობის კანდიდატი გოჩა მელაძე საკრებულოს დეპუტატობის კანდიდატებთან ერთად, სოფლების, პაქსაძეების, გელაძეების, კორტოხისა და ბეღლეთის მოსახლეობას შეხვდა.

როგორც GUARDIAN.GE-ს პარტიის პრესსამსახურიდან აცნობეს, გოჩა მელაძემ ამომრჩეველს დიოკნისის ადმინისტრაციული ერთეულის მაჟორიტარობის კანდიდატი მერაბ ღორჯომელაძე წარუდგინა და მათ მომავალი ოთხი წლის გეგმებზე, სოფლებში არსებულ პრობლემებსა და მათი გადაჭრის გზებზე ესაუბრა.

„ჩვენმა გუნდმა თქვენი გვერდში დგომით, გასულ წლებში, ინფრასტრუქტურული, კულტურული და სოციალური მიმართულებით არაერთი მნიშვნელოვანი ღონისძიება განახორციელა. გპირდებით, რომ ყველა მნიშვნელოვანი პროექტი გაგრძელდება, ხოლო მომავალში, თქვენს საჭიროებებზე მორგებული ახალი პროგრამები დაიგეგმება. ძლიერი თვითმმართველობა ძლიერ სახელმწიფოს ნიშნავს. ყველაფერი უნდა გავაკეთოთ იმისთვის, რომ უკეთეს საქართველოში ვიცხოვროთ. დარწმუნებული ვარ და მჯერა, რომ ჩვენ ერთად დგომით აუცილებლად გავიმარჯვებთ“, განაცხადა მერობის კანდიდატმა.