რამ გამოიწვია თბილისის 139-ე სკოლის მეხუთე კლასელების მოწამვლა? როგორც სასწრაფო-სამედიცინო დახმარების ექიმმა ხათუნა ხარაზიშვილმა ჟურნალისტებთან განაცხადა, ბავშვებს ერთნაირი სიმპტომები - თავბრუსხვევა, მუცლის მოვლითი ტკივილებით აქვთ. რაც შეეხება მოწამვლის მიზეზებს, ექიმი აცხადებს, რომ ეს ჯერჯერობით უცნობია.
"ეს არ იყო არც საკვებით ინტოქსიკაციის ნიშნები, არც გაზით მოწამვლის ნიშნები, თუმცა რამ გამოიწვია ბავშვების მოწამვლა, ამაზე მიმდინარეობს მუშაობა", - განაცხადა სასწრაფო-სამედიცინო დახმარების ექიმმა.
139-ე სკოლის მეხუთე კლასში 10 ბავშვი, მათ შორის 9 ბიჭი მოიწმალა. 3 ბავშვი გადაყვანილია კლინიკაში, დანარჩენებს პირველად სამედიცინო დახმარებას ადგილზე სასწრაფო-სამედიცინო დახმარების ექიმები უწევენ. სხვა ბავშვების მშობლებმა ჰოსპიტალში ბავშვების გადაყვანაზე უარი განაცხადეს.
139-ე სკოლასთან მობილიზებულია საპატრულო პოლიციის თანამშრომლები. როგორც ადგილზე შეკრებილი მშობლები ამბობენ, მათთვის უცნობია რა გახდა მეხუთეკლასელების მოწამვლის მიზეზი. თუმცა შესაბამის ორგანოებს მოუწოდებენ, რომ ამის დადგენა მალევე მოხდეს, რადგან ბავშვების სიცოცხლეს საფრთხე არ შეექმნას.
"გაუგებარია, ერთ კლასში ერთი და იგივე საკლასო ოთახში რატომ დაემართათ ბავშვებს მოწამვლა. ჩვენ ვთხოვთ სკოლის ადმინისტრაციას და შესაბამის ორგანოებს, დაადგინონ ამის მიზეზები", - განაცხადეს მშობლებმა.
139-ე სკოლის შენობაში თბილისის მერიის სამაშველო სამსახურის თანამშრომლები ბავშვების მოწამვლის მიზეზის დადგენას ცდილობენ. ისინი სკოლაში ქიმიის ლაბორატორიის ოთახს ამოწმებენ. სამაშველო სამსახურის წარმომადგენლებმა სკოლაში ქიმიის მასწავლებელი შეიყვანეს და სპეციალური აირწინაღებითა და აპარატებით ცდილობენ დაადგინონ, რამ გამოიწვია სკოლის მოსწავლეების მოწამვლა.
ამ დრისთვის 139-ე სკოლის 6 მოსწავლე საავადმყოფოშია გადაყვანილი. სკოლაში სწავლის პროცესი შეწყვიტილია. შენობიდან ამ დროისთვის ყველა თანამშრომელი და მოსწავლე გამოყვანილია.
იაშვილის სახელობის კლინიკის საზოგადოებასთან ურთიერთობის სამსახურის მტკიცებით კი, 139-ე სკოლის მოსწავლეები მოწამლული არ არიან. იაშვილის კლინიკაში ამბობენ, რომ ერთ-ერთ ბავშვს გული წაუვიდა. მას სისხლის შაქრის დონე ჰქონდა დაბალი. დანარჩენი 5 ბავშვი კი მუცლის არეში ტკივილს უჩიოდა, თუმცა მათ ინტოქსიკაციის არანაირი ნიშანი არ აღმოაჩნდათ.
ამასთან, ჟურნალისტებთან კომენტარი გააკეთა ტოქსიკოლოგიის დეპარტამენტის უფროსი ოთარ რუსაძემ.
"ამ წუთებში ბავშვები კვლევების სტადიაში არიან, რაიმე გამაღიზიანებელი ეფექტით ან აირით ინტოქსიკაცის გამოვრიცხავ, მაშინ ბევრად მეტი იქნებოდა ინტოქსიკაცია, მათ შორის - პედაგოგთანაც. მე მგონი, უფრო უჰაერობა იყო და მერე უბრალოდ დატრიალდა ისტერიის მომენტები", - აღნიშნა რუსაძემ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.