საქართველოს მთავრობის ინიციატივით, სოფლის მეურნეობის სამინისტროს მიერ მცირემიწიან ფერმერთა საგაზაფხულო სამუშაოების ხელშეწყობასთან დაკავშირებით, ნინოწმინდის მუნიციპალიტეტის მოსახლეობისთვის, საუბარია 5 551 ოჯახზე და დამატებით 200 ახალ ბენეფიციარზე, სახნავი ბარათების დარიგების პროცესი სრულდება.
როგორც guardian.ge -ს ნინოწმინდის მუნიციპალიტეტის გამგებელმა გაგიკ კარსლიანმა განუცხადა, აღნიშნულმა პროგრამამ გაამართლა და მოსახლეობა ძალიან კმაყოფილია, რადგან მათ ამ ბარათებით საკმაო შეღავათი მიიღეს.
გაგიკ კარსლიანის თქმით, ნინოწმინდის მუნიციპალიტეტში სოფლის მეურნეობა ერთ-ერთი წამყვანი დარგია, უხვი მოსავლის მიღება კი დიდწილად სარწყავი სისტემების გამართულ ფუნქციონირებაზეა დამოკიდებული. აქედან გამომდინარე, გამგეობისა და სოფლის მეურნეობის სამინისტროს ერთობლივი კოორდინაციის საფუძველზე, აღნიშნული სარწყავი სისტემების მოსაწესრიგებლად, რომელიც სოფლის მეურნეობის სამინისტროს ბალანსზე იმყოფება, გარკვეული ნაბიჯები გადაიდგა.
გამგებლის ინფორმაციით, ნინოწმინდის მუნიციპალიტეტში უკვე გარემონტდა და გამართულად მოქმედებს სპასოვკა - სათხას სარწყავი სისტემა 26 კმ სიგრძით, რომელიც რწყავს 2.200ჰა ფართობს, ასევე ღაურმა - ჯიგრაშენის მიმართულებით 16კმ სიგრძის სარწყავი არხი, რომელიც რწყავს 900ჰა ფართობს, თუმცა საჭიროებს შეკეთებას, და მამზარა - კონდურის მიმართულებით 12 კმ სიგრძის სარწყავი სისტემა, რომელიც რწყავს -700ჰა ფართობს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.