მიუხედავად იმისა, რომ არსებობს კიბერდანაშაულის შემსწავლელი განყოფილება, ამ საქმის (ფარული ჩანაწერების გავრცელებასთან დაკავშირებული საქმის) გამოძიების საკითხზე კომენტირებისას გამოძიება ძალიან რთულია და საქართველოს ძალოვანი უწყებები ეფ-ბი-აის გარეშე ვერაფერს გახდებიან, - ამის შესახებ გაზეთ "კვირის პალიტრასთან" საუბრისას ფარული ჩანაწერების გავრცელების საქმეზე დაკავებული ზურაბ ჯამალაშვილის შვილმა, ვასილ ჯამალაშვილმა განაცხადა.
მისი თქმით, ზურაბ ჯამალაშვილი მისგან ვერანაირ ვიდეოჩანაწერს ვერ მიიღებდა.
"მამას სხვა ოჯახი ჰყავს და ჩვენ ახლო ურთიერთობა არ გვაქვს. წლების განმავლობაში მხოლოდ ერთი-ორჯერ შევხვდი. მისი დაკავების ამბავიც ტელევიზიით გავიგე. მამა ჩემგან ვერანაირ ვიდეოჩანაწერს ვერ მიიღებდა. ყველას გასაგონად ვაცხადებ, თავის დროზე ვირუსის შექმნის გამო მედებოდა ბრალი და არა ფარული ჩანაწერების გადაღება-გავრცელებისთვის. ჩემი შექმნილი ვირუსი კი რასაც აკეთებდა ყველამ იცის", - განაცხადა ჯამალაშვილმა.
მისი თქმით, მამამისს კიბერუსაფრთხოების სფეროსთან არავითარი კავშირი არ აქვს.
"შსს-ს უმოქმედობაში ვერ დავადანაშაულებ, ისინი ვიდეომასალების გასვლისთანავე ბლოკავენ კადრებს, რომ რაც შეიძლება ცოტა ადამიანმა ნახოს. მიუხედავად იმისა, რომ არსებობს კიბერდანაშაულის შემსწავლელი განყოფილება, ამ საქმის გამოძიება ძალიან რთულია და საქართველოს ძალოვანი უწყებები ეფ-ბი-აის გარეშე ვერაფერს გახდებიან. რამდენადაც ვიცი, მიმართეს კიდეც, მაგრამ პროცედურები დიდ ბიუროკრატიას შეიცავს. ეფ-ბი-აის შეუძლია "იუთუბიდან" IP მისამართის გაგება, თუმცა ეს დამნაშავის დადგენას არ ნიშნავს. შეიძლება სხვა ქვეყნის ვთქვათ, ინტერნეტკაფედან აიტვირთა, რაც გამოძიებას გაართულებს. გარდა ამისა, კვალის არევის ბევრი მეთოდი არსებობს. ერთ-ერთი გავრცელებული მეთოდია IP მისამართის შეცვლა. ასე, რომ რთულია ამ საქმის გახსნა, თუმცა ვფიქრობ, დამნაშავის დადგენა მაინც არ გაუჭირდებათ", - განაცხადა ვასილ ჯამალაშვილმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.