იმ ცხრა წლის განმავლობაში, გარდა იმისა, რომ ვეხმარებოდი ადამიანებს, საქართველოს სახელი გამქონდა საზღვარგარეთ და მგონი არც თუ ისე ცუდად, - აღნიშნული განცხადება მოძრაობა ”სახელმწიფო ხალხისთვის” ლიდერმა, პაატა ბურჭულაძემ "პალიტრა ნიუსის"-ის ეთერში გააკეთა და დაამატა, რომ დღევანდელი მთავრობის ბევრ წევრს მაშინ "დროშა ეჭირა ხელში და მიშა, მიშას გაიძახოდა."

”2011 წლიდან ივანიშვილის გვერდით ვიდექი, რომ ყველაფერი შეგვეცვალა. ”ნაციონალური მოძრაობის” დროს, მე ვიყავი ჩემი ქვეყნის სამსახურში. ვერავინ მოისმენდა ჩემი მხრიდან ყოფილი ხელისუფლების ქებას. მქონდა კრიტიკა, ეს კრიტიკა იყო, რომ მე ვაკეთებდი სახელმწიფოს საქმეს. იმ ცხრა წელმა გამომაცხადა ქვეყნის მოღალატედ იმიტომ, რომ მოსკოვში ჩავედი და ავადმყოფ ბავშვებს დავეხმარე. იმ ცხრა წლის განმავლობაში გარდა იმის, რომ ვეხმარებოდი ადამიანებს, საქართველოს სახელი გამქონდა საზღვარგარეთ და მგონი არც თუ ისე ცუდად. დღევანდელი მთავრობის ბევრ წევრს დროშა ეჭირა ხელში და მიშა, მიშას გაიძახოდა," განაცხადა პაატა ბურჭულაძემ.