ბოლო პერიოდში, ”რუსთავი 2”-ის საქმესთან დაკავშირებით ხდება მცდელობა, რომ საკონსტიტუციო სასამართლო ჩართული იყოს პოლიტიკურ პროცესებში და ამ პოლიტიკური პროცესების ერთ მხარეს ”რუსთავი 2”-ის გენერალური დირექტორი ნიკა გვარამია დგას, - აცხადებს ადამიანის უფლებათა დაცვის კომიტეტის თავმჯდომარე, ეკა ბესელია.
"რამდენიმე დღის წინ ნიკა გვარამიას მიერ გაკეთებული განცხადება, რომ სააპელაციო სასამართლოს ეშინია არ დაასწროს საკონსტიტუციო სასამართლოს გადაწყვეტილების მიღება, იყო მისი მხრიდან პირდაპირი აღიარება. როგორც ჩანს, მისთვის ცნობილი არის მოსალოდნელი გადაწყვეტილების შესახებ. მე მინდა საზოგადოებას შევახსენო, რომ საქართველოს პარლამენტი ერთ-ერთ სარჩელში მოპასუხე მხარე იყო და ეს სარჩელი ეხებოდა ”რუსთავი 2”-ისა და ტელეკომპანია ”საქართველოს” საქმეს პარლამენტის წინააღმდეგ. ამ სარჩელის დროს პარლამენტის სახელით გამოდიოდა წარმომადგენელი, რომელმაც დააყენა რამდენიმე მოსამართლის აცილების საკითხი, კერძოდ მოსამართლეების ვარძელაშვილისა და კოპალეიშვილის. პარლამენტის წარმომადგენელი უცხადებდა უნდობლობას ამ მოსამართლეებს, იმიტომ რომ გარდა იმისა, რომ დარღვევებიით მოხდა ამ საქმის შესახებ წარმომადგენლისთვის ინფორმაციის მიწოდება იქ არსებობდა სხვა ეჭვები და გარემოებები.
ყველა სარჩელი, რომელიც არის ,,ნაციონალური მოძრაობის“ ინტერესებში, სარჩელები რომელიც შეაქვთ ტელეკომპანია ”რუსთავი 2”-ის სახელით, რატომღაც ხვდება სულ იმ ერთი კოლეგიის სამ მოსამართლესთან. შეგახსენებთ, რომ საკონსტიტუციო სამსართლოში პარლამენტის მიერ, როდესაც მოსამართლეების აცილების საკითხი დადგა, კონკრეტული ფაქტები იყო მითითებული. კერძოდ, როდესაც გვარამია იყო განათლების მინისტრი, ერთ -ერთი კოლეგიის თავმჯდომარე, რომელიც იხილავს ამ სარჩელებს, ვარძელაშვილის მეუღლე, გახლდათ მისი პირველი მოადგილე. მეორე მოსმართლე კოპალეიშვილი იუსტიციის მინისტრობის დროს იყო გვარამიას მოადგილე, შემდეგ ასევე მოადგლე როდესაც გვარამია განათლების მინისტრი გახლდათ.
ეს ყველაფერი სასამართლოს წარედგინა, მაგრამ მოსამართლეების აცილებასთან დაკავშირებით ეს შუამდგომლობა მაშინ არ დაკმაყოფილდა. ეს კითხვები დღესაც დარჩა და როდესაც დღეს ხდება შეტევა მოსამრთლეების მიმართ და საკონსტიტუციო სასამართლოს პოლიტიკურ პროცესებში ჩართვა ჩვენ ვახსენებთ ამ ფაქტებს მათ“, - განაცხადა ეკა ბესელიამ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.