საქართველოში ამ სეზონზე გრიპის ვირუსის ცალკეული შემთხვევები უკვე დაფიქსირდა, თუმცა საერთო ფონი მშვიდია, – ამის შესახებ დაავადებათა კონტროლის ეროვნული ცენტრის სამეთვალყურეო საბჭოს თავმჯდომარემ პაატა იმნაძემ განაცხადა.
იმნაძე აცხადებს, რომ ვირუსის გააქტიურება თებერვალშია მოსალოდნელი, თუმცა, მისივე თქმით, ეს წელი ვირუსული ინფექციების მხრივ, წინა წლებთან შედარებით, მშვიდად დაიწყო. “B ტიპის ვირუსების ცალკეული შემთხვევები უკვე დაფიქსირდა თუმცა, საერთო ფონი საგანგაშო ნამდვილად არაა, ვირუსული შემთხვევების სიმცირე გარკვეულწილად შედარებით თბილი ამინდებითაცაა განპირობებული.
გრიპის ვირუსზე აცრები ჩატარდა ბავშვთა სახლებში, მოხუცთა თავშესაფრებში, აიცრნენ დიალიზზე მყოფი პაციენტები, ექიმების გარკვეული რაოდენობა და რისკ-ფაქტორის ჯგუფში მყოფი პირები”, – აღნიშნა პაატა იმნაძემ. გრიპისგან თავის დაცვის მიზნით დაავადებათა კონტროლის ეროვნული ცენტრის ხელმძღვანელი მოსახლეობას ხელების ხშირად დაბანას ურჩევს.
ცნობისთის, გრიპი მწვავე ვირუსული ინფექციაა, რომელიც ადვილად გადაეცემა ადამიანიდან ადამიანს. იგი ცირკულირებს მთელს მსოფლიოში და იწვევს ეპიდემიებს. მას აქვს უნარი დააინფიციროს ადამიანები ნებისმიერ ასაკობრივ ჯგუფში.
სეზონურ ეპიდემიებთან ერთად, გრიპის ახალი ქვეტიპის აღმოცენებისთანავე შესაძლებელია გრიპის პანდემიის დაწყება. გრიპი ადვილად მოგზაურობს. ჩვეულებრივ, ჰაერის საშუალებით ვრცელდება დახველების ან დაცემინებისას, ასევე დაბინძურებული ხელებით. ადამიანებმა შესაძლებელია გაავრცელონ გრიპის ვირუსი ჯერ კიდევ მანამდე, სანამ გაიგებენ რომ ავად არიან, რომელიმე სიმპტომის გამოვლენამდე ერთი დღით ადრე და შემდგომი 5-7 დღის განმავლობაში.
როგორც წესი, გრიპის შემთხვევების უმეტესი რაოდენობა ყოველგვარი სპეციალიზებული სამედიცინო დახმარების გარეშე მთავრდება გამოჯანმრთელებით. თუმცა, გრიპი ზოგ შემთხვევაში შესაძლებელია გართულდეს, უფრო იშვიათად კი – გამოიწვიოს ლეტალური შედეგიც კი.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.