ჩვენ გვიჭირავს ხელში იგივე მობილური ტელეფონები, რაც ავსტრიაში და ჰოლანდიაში, ჩვენ გვინდა იგივე დემოკრატიული სტანდარტები, რაც არის ევროპაში, - აღნიშნული განცხადება საქართველოს პარლამენტის თავმჯდომარემ, "რესპუბლიკური პარტიის" ლიდერმა, დავით უსუფაშვილმა "მაესტროს" ეთერში გააკეთა.
უსუფაშვილი აცხადებს, რომ პარტიის ერთ-ერთი მნიშვნელოვანი გზავნილი არის "ევროკავშირთან ასოცირების შეთანხმება, ეს იქნება რეალური ბერკეტი თითოეული მეწარმისთვის საქართველოში".
"ჩვენ, რესპუბლიკური პარტია საქართველოს ამომრჩეველს ვპირდებით, რომ გავაგრძელებთ ძალიან მყარი ნაბიჯებით სვლას დემოკრატიული ინსტიტუტების შექმნისკენ, ამ ქვეყანაში სამართლიანობისა და კანონის დიქტატურის დამკვიდრებისკენ....
ჩვენ თითოეულ მეწარმეს ვპირდებით, რომ ევროპული ასოციაცია ეს არ იქნება მხოლოდ ელიტებისთვის სასარგებლო თემა. თითოეულ მეწარმეს გამოვუძებნით ევროპელ ბიზნეს-პარტნიორს. უცხოური ინვესტიციები და დიდი პროექტები საქართველოში უმუშევრობას, საქართველოს ეკონომიკურ წინსვლას ვერ გადაწყვეტს, საქართველოს ეკონომიკას წინ წაიყვანს ჩვენი მეწარმეების დაკავშირება ევროპელ პარტნიორებთან, ვისგანაც უნდა მივიღოთ საჭირო ტექნოლოგია, საჭირო უნარჩვევები, რათა ევროპული ბაზარი ავითვისოთ.
ჩვენ მოსახლეობას ვპირდებით, რომ უახლოესი ოთხი წლის განმავლობაში, ჩვენი ერთ-ერთი პრიორიტეტი იქნება მუდმივი სასმელი წყლით უზრუნველყოფა საქართველოში ყველა ოჯახის... ჩვენ საქართველოში გვინდა ევროპული სტანდარტები", - განაცხადა "რსპუბლიკური პარტიის" ლიდერმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.