ბათუმში "პაატა ბურჭულაძე - სახელმწიფო ხალხისთვის” ახალგაზრდული ორგანიზაციის ხელმძღვანელმა და ათობით აქტივისტმა დატოვა. აღნიშნული გადაწყვეტილების შესახებ განცხადება ცოტა ხნის წინათ პარტიის ახალგაზრდული ორგანიზაციის ხელმძღვანელმა, გიგა ფარტენაძემ 6 მაისის პარკთან გააკეთა.
როგორც ფარტენაძემ განაცხადა, პარტიამ ვერ შეძლო რეგიონის საზოგადოებასთან სწორხაზოვანი დიალოგის წარმოება, რაც მისი შეფასებით, მოძრაობის არასწორი სტრატეგიული და ტაქტიკური გათვლების შედეგია.
„აჭარის რეგიონის რეგიონული ახალგაზრდული მიმართულება მიიჩნევს, რომ აღნიშნული მოძრაობა რეგიონში ადეკვატურად ვეღარ პასუხობს არსებულ რეალობას, რაც კარგად ჩანს პარტიული და საარჩევნო კამპანიის სტრუქტურების მშენებლობასა და საქმიანობაში, ხოლო ეს უკანასკნელი კარგად ავლენს, რომ პოლიტიკური მოძრაობა შორს დგას არსებული რეალობისგან.
ჩვენ, რეგიონის ახალგაზრდებს, ვისაც შეგვტკივა გული ჩვენი რეგიონის განვითარებისათვის, მივისწრაფვით აქ არსებული პრობლემების გამოვლენის და მათი გადაჭრის გზების დასახვისთვის და მოძრაობა მიგვაჩნდა სწორედ მსგავსი ამოცანების რეალიზების ერთ-ერთ უმთავრეს რესურსად, დღეს უკვე თამამად შეგვიძლია ვთქვათ, რომ მან ვერ შეძლო საზოგადოებრივ ინტერესებზე კონცენტრირება, მასთან დაახლოებისთვის ვერ მოახერხა რეგიონის საზოგადოებასთან სწორხაზოვანი დიალოგის წარმოება, რაც მოძრაობის არასწორი სტრატეგიული და ტაქტიკური გათვლების შედეგია.
უფრო მეტიც, ბოლო პერიოდში მოძრაობის გარშემო სულ უფრო მეტად ჩნდება პასუხგაუცემელი კითხვები საზოგადოებაში, რაც კიდევ უფრო აძლიერებს ეჭვებს მათი საზოგადოებისათვის მიუღებელ სხვადასხვა პოლიტიკურ ძალებთან ალიანისი შესახებ. სამწუხაროდ, უყურადღებოდ დარჩა მოძრაობის ახალგაზრდული აქტივი, რომელსაც ბოლო სამი თვეა მხოლოდ შიშველი ენთუზიაზმით უწევს პარტიული დავალების შესრულება და ეს იმ ფონზე, როცა აშკარად იკვეთება პარტიული ელიტის კერძო, ძვირადღირებული ვოიაჟები ქვეყნის შიგნით და ქვეყნის ფარგლებს გარეთ.
ზემოაღნიშნულიდან გამომდინარე, მოძრაობის ახალგაზრდულმა მიმართულებამ მიიღო ერთსულოვანი გადაწყვეტილება პოლიტიკური მოძაობის რიგების დატოვების და ინდივიდუალურ დონეზე საზოგადოებრივი საქმიანობის გაგრძელების შესახებ“, – განაცხადა გიგა ფარტენაძემ.
ბათუმის ახალგაზრდული ორგანიზაციის ხელმძღვანელისა და ათობით აქტივისტის გარდა, პარტიის რიგები თბილისში, ისნის #10 საარჩევნო ოლქის აღმასრულებელმა მდივანმა, იოსებ ხიმშიაშვილმაც დატოვა.
ხიმშიაშვილი აცხადებს, რომ პარტიდან წასვლის შესახებ გადაწყვეტილება მისმა თანაგუნდელებმაც მიიღეს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.