საქართველოს ყოფილი პრეზიდენტი, ოდესის გუბერნატორი მიხეილ სააკაშვილი პრემიერ მინისტრ გიორგი კვირიკაშვილის განცხადებას ეხმაურება, რომლის მიხედვითაც მთის კურორტების კომპანიაში სახელმწიფო შპს-ს დააფუძნებს და მის ხელმძღვანელად სოსო ჯაჭვლიანს დანიშნავს.
სააკაშვილი ამბობს, რომ ივანიშვილის ხელისუფლებას, კერძოდ კი გიორგი კვირიკაშვილს, მაშინ, როცა იგი ეკონომიკისა და მდგრადი განვითარების მინისტრი იყო, საერთოდ "თეთნულდის" პროექტის შეჩერება და საფრანგეთში შეკვეთილი საბაგიროების გაყიდვა უნდოდა, ახლა კი, "იგივე კვირიკაშვილმა პროექტს, რომელსაც 2012 წლის 1 ოქტომბრამდე რეალურად მე ვხელმძღვანელობდი, ჯაჭვლიანი ჩაუყენა სათავეში".
"თეთნულდის სათხილამური კურორტის შექმნა და განვითარება იყო ჩვენი გუნდის ინიციატივა. მოლაპარაკება ვაწარმოეთ ფრანგულ მხარესთან და პრეზიდენტ სარკოზის დახმარებით, შეღავათიანი და გრძელვადიანი სესხით შევიძინეთ საბაგიროები. ამავდროულად, დავიწყეთ გზების გაყვანა მესტიიდან და ასევე, ზემო და ქვემო სვანეთის დასაკავშირებელი გვირაბის დაპროექტება, რომელიც გზას ქუთაისის აეროპორტიდან 2 საათით შეამცირებდა.
2013 წელს ივანიშვილის მთავრობამ სცადა საბაგიროებზე უარის თქმა და მათი გაყიდვა. მაშინდელ ეკონომიკის მინისტრ კვირიკაშვილს ფრანგებმა აუხსნეს, რომ საბაგირო უნიკალურად მორგებული იყო თეთნულდზე და ვერ გაიყიდებოდა. მოუხდათ საბაგიროების ჩამოტანა და ისინი 2013 ის ნაცვლად 2015 წელს გახსნეს, მაგრამ შეწყვიტეს გვირაბის პროექტირება და აღარ შეიყვანეს სასტუმროების ინვესტორები, რაც აუცილებელი პირობაა კურორტის ასამუშავებლად. ახლა კი, იგივე კვირიკაშვილმა პროექტს, რომელსაც 2012 წლის 1 ოქტომბრამდე რეალურად მე ვხელმძღვანელობდი, ჯაჭვლიანი ჩაუყენა სათავეში",- წერს მიხეილ სააკაშვილი Facebook-ზე.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.