მე დარწმუნებული ვარ ჩვენს გამარჯვებაში და ასეთ გაძლიერებულ, განახლებულ გუნდს, როგორიც ჩვენ გვყავს, ნამდვილად სჭირდება და ეკუთვნის მთელი ხალხის მხარდაჭერა, - აღნიშნული განცხადება "ერთიანი ნაციონალური მოძრაობის" სიის მეორე ნომერმა, ზუგდიდის მუნიციპალიტეტში მაჟორიტარი დეპუტატობის კანდიდატმა სანდრა რულოვსმა პარტიის ოფისში გამართულ პრესკონფერენციაზე გააკეთა.
რულოვსი აცხადებს, რომ სჯერა საქართველოსი, ქართველი ხალხის და იმედოვნებს, რომ ისინი "სწორ არჩევანს" გააკეთებენ.
„პარტიის პოლიტსაბჭოს გადაწყვეტილებით შევდივარ ამ ბრძოლაში, ამ პოლიტიკურ ცხოვრებაში როგორც სიის მეორე ნომერი და როგორც ზუგდიდის მაჟორიტარობის კანდიდატი. ეს არის ჩემთვის დიდი პატივი. მზად ვარ ამ ბრძოლისთვის. მე დარწმუნებული ვარ ჩვენს გამარჯვებაში და ასეთ გაძლიერებულ, განახლებულ გუნდს, როგორიც ჩვენ გვყავს, ნამდვილად სჭირდება და ეკუთვნის მთელი ხალხის მხარდაჭერა. მე ქართველი ხალხის ძლიერი გონებრივი შესაძლებლობების მჯერა და მჯერა, რომ სწორ არჩევანს გააკეთებენ, რათა საქართველო წინ წავიდეს. ქართველების მჯერა, საქართველოს მჯერა. უკეთესი მომავლის შექმნაში შევეცდები დავეხმარო ამ გუნდს. ეს არ არის ადვილი ნაბიჯი. მეტიც, მე დღეს პირველად შემოვედი ამ პარტიის ოფისში და ვითხოვე გიდობა, იმიტომ რომ არ ვიცოდი, სად, რა, როგორ არის ორგანიზებული“, - განაცხადა სანდრა რულოვსმა და აღნიშნა, რომ მათი ყველაზე დიდი ამოცანაა, გაგრძელდეს ის პროცესები, რაც დადებითი იყო და გააგრძელონ გამარჯვებისკენ სვლა.
"ნაციონალურმა მოძრაობამ" დღეს პარტიული სიის ოცეული წარადგინა. საარჩევნო სიაში ადგილები ასე გადანაწილდა:
1. დავით ბაქრაძე; 2. სანდრა რულოვსი; 3. ელენე ხოშტარია; 4. რომან გოცირიძე; 5. ნიკა მელია; 6. გიორგი ტუღუში; 7. ოთო კახიძე; 8. სალომე სამადაშვილი; 9. ირაკლი აბესაძე; 10. სერგი კაპანაძე; 11. სერგო რატიანი; 12. გიორგი კანდელაკი; 13. ლელა ქებურია; 14. აკაკი ბობოხიძე; 15. გიგა ბოკერია; 16. თენგიზ გუნავა; 17. ირმა ნადირაშვილი; 18. მამუკა ჩიქოვანი; 19. თინათინ ბოკუჩავა; 20. გიორგი თევდორაძე.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.