იტალიის ხელისუფლებამ იმ რეგიონებში, სადაც მიწისძვრამ მიწასთნ გაასწორა სახლები, საგანგებო მდგომარეობა გამოაცხადა.

BBC-ის ცნობით, პრემიერ მინისტრმა მათეო რენციმ პირობა დადო, რომ დანგრეული შენობების აღდგენისთვის 50 მილიონი ევრო გამოიყოფა.

ამ დროის მონაცემებით, გარდაცვლილია 250 ადამიანი, მათ შორის უცხოელი ტურისტები, სულ მცირე 3 ბრიტანელი, 11 რუმინელი კი დაკარგულად მიიჩნევა და დაზიანებები აქვს მიღებული 365-ს. მაშველები მეორე ღამეა რაც გადაპირქვავებული შენობების ნანგრევებში მოყოლილების ძებნას განაგრძობენ, თუმცა 5 000 მაშველის მცდელობას ასეულობით განმეორებითი ბიძგები აფერხებს.

თანხის გამოყოფის დამატებით, რენციმ მიწისძვრით დაზარალებული მოსახლეობისთვის გადასახადები გააუქმა და გამოაცხადა ახალი ინიციატივა, „იტალიური სახლები“, რათა უპასუხოს მშენებლობის ცუდი სტანდარტებისადმი გამოხატულ კრიტიციზმს. მაგრამ მან ასევე თქვა, რომ „აბსურდია“ იფიქრო იმაზე, რომ იტალია შეძლებს ააშენოს მთლიანად მიწისძვრის გამძლე შენობები.

რენცის განცხადება იტალიურ პრესაში გამოთქმულ კრიტიკას მოჰყვა, სადაც მაღალი რისკის ადგილებში სამშენებლო სტანდარტების დარღვევაზეა საუბარი. ზოგიერთი შენობა, რომელიც დაინგრა, ახლახან იყო აღდგენილი.

6.2 მაგნიტუდის სიმძლავრის მიწისძვრა ოთხშაბათს, 24 აგვისტოს, ადგილობრივი დროით 03:36 (თბილისის დროით 05:36) იტალიის დედაქალაქ რომიდან დაახლოებით 100 კმ-ში მოხდა. მიწისძვრის ეპიცენტრი პერუჯადან არც ისე შორს იყო. უმეტესი ნაწილი აკუმოლში, ეპიცენტრის სიახლოვეს და ქალაქ ამატრიჩიდან მოკლე მანძილზე მდებარე დასახლებებში დაიღუპა.