უკრაინელი მილიონერი ლეონიდ ჩერნოვეცკი, რომელმაც გასულ წელს პოლიტიკური პარტია "ბედნიერი საქართველოსთვის" დააფუძნა, შემდეგ კი პარტიის ფუნქციონირება შეაჩერა, საპარლამენტო არჩევნებში ქობულეთის მაჟორიტარულ საარჩევნო ოლქში დამოუკიდებელ კანდიდატად იყრის კენჭს.
„გადავწყვიტე, საპარლამენტო არჩევნებზე, ქობულეთის ოლქში დეპუტატობის მაჟორიტარ კანდიდატად წარვდგე!
თუმცა, პოლიტიკურ პარტიაზე უარი არ მითქვამს და არც არასდროს ვიტყვი! პარტია აუცილებლად იარსებებს და ის ქართველი ხალხის საკეთილდღეოდ იმუშავებს! მიუხედავად ყველაფრისა, იმ კანონპროექტებს, რომელთა შესახებაც ბევრი გესაუბრეთ და რომლებისთვისაც ხელმოწერებს ვაგროვებდით, პარლამენტში მაინც გავატარებთ! მაგრამ, ამ საპარლამენტო არჩევნებში პარტიის წარდგენა ვერ გადავწყვიტე, რადგან უმაღლესი იურიდიული განათლების მქონე ისეთი ათი კანდიდატიც კი ვერ ვიპოვე, რომლებიც საქართველოს კანონების შეცვლასა და მათ გაუმჯობესებას შეძლებდნენ! ქართველების ცხოვრების უკეთესობისკენ შეცვლის ჩემს მისწრაფებას ათასობით ადამიანმა დაუჭირა მხარი, მაგრამ უმრავლესობა გამოუცდელი ადამიანები არიან, ამ საქმეს კი პროფესიონალები სჭირდება! აქედან გამომდინარე, პარტია საქმიანობას მომავალში განაგრძობს და ჩვენ დეპუტატობის კანდიდატების საუკეთესო კადრების შერჩევას გავაგრძელებთ!
მე გადავწყვიტე ქობულეთში კენჭისყრა, რადგან აქ 5 წელია ვცხოვრობ. ვცხოვრობ სწორედ იმ ადამიანების გვერდით, ვისაც ჩემს კანდიდატურას მაჟორიტარი დეპუტატის თანამდებობაზე ვთავაზობ. ქობულეთელების თითოეული პრობლემის შესახებ ყველაფერი ვიცი! ჩემთვის გასაგები და ახლოა ყველაფერი ის, რაც ქობულეთის მცხოვრებლებს აწუხებს - სიღარიბე, მოუწესრიგებელი ინფრასტრუქტურა და სოციალური დახმარების უქონლობა- უპირველესად იმათთვის, ვინც ამას განსაკუთრებით საჭიროებენ- ეს ბავშვები და მოხუცები არიან. აქ არ არის სამუშაო ადგილები, არ არსებობს ახალგაზრდებისთვის სათანადო პერსპექტივა, არ შემოდის ინვესტიციები. ამ საკურორტო რეგიონს კი განვითარება სჭირდება… მე ჩამოვთვალე ის ძირითადი პრობლემები, რომელთა გადაწყვეტასაც მზად ვარ, რომ თავი მივუძღვნა! რაც მთავარია - ვიცი, ეს ყველაფერი როგორ გავაკეთო!
მე მჯერა უფლისა და თქვენი თანადგომის, რადგან მხოლოდ ჩემი ხალხის, ჩემი თანაქალაქელების კეთილდღეობა და ბედნიერება მსურს!“–განაცხადა ლეონიდ ჩერნოვეცკიმ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.