ევროპარლამენტის Libe-ს კომიტეტში საქართველოსთვის ვიზა–ლიბერალიზაციის საკითხზე კენჭისყრა დასრულდა. კენჭისყრაში 49 დეპუტატი მონაწილეობდა, მათგან 44-მა მხარი დაუჭირა საქართველოსთვის უვიზო მიმოსვლის პროცედურას 5 კი წინააღმდეგი წავიდა. 

euobserver– ის ინფორმაციით, Libe–ს კომიტეტმა ასევე მწვანე აუნთო უკრაინისთვის უვიზო მიმოსვლის საკითხსაც, მაგრამ შეაჩერა იგივე წინადადება კოსოვოსთვის. 

ამ გადაწყვეტილების შემდეგ პროცესმა შემდეგ ეტაპზე გადაინაცვლა და იწყება ინტერ-ინსტიტუციური მოლაპარაკებები. ერთმანეთს შეხვდებიან ევროკომისიის, ევროკავშირის საბჭოსა და ევროპარლამენტის წარმომადგენლები, რათა საბოლოოდ შეაჯერონ ტექსტი. ამის შემდეგ ევროპარლამენტის პლენარულ სხდომაზე საბოლოო კენჭისყრა გაიმართება.

პლენარული სხდომა 2-დან 6 ოქტომბრამდეა დანიშნული. სავარაუდოდ, ამ დროს გავა საქართველოს საკითხი კენჭისყრაზე.