სახელმწიფო აუდიტის სამსახური პოლიტიკური პარტიების ფინანსური მონიტორინგის შესახებ ინფორმაციას აქვეყნებს.

ამ ინფორმაციის თანახმად, მიმდინარე წლის 10-30 აგვისტოს პერიოდში პოლიტიკური პარტიებისა და მაჟორიტარობის დამოუკიდებელი კანდიდატების მიერ ჯამურად მიღებულმა შემოსავალმა 7 256 151 ლარი შეადგინა.

ყველაზე დიდი შემოსავალი - 3 328 701 ლარი - „ქართული ოცნება - დემოკრატიულმა საქართველომ“ მიიღო. აქედან დიდი ნაწილი, 3 144 820 ლარი შემოწირულებას წარმოადგენს.

„ქართული ოცნების“ შემდეგ, ყველაზე მეტი შემოსავალი - 944 253 ლარის ოდენობით, „ნაციონალურ მოძრაობას“ ერიცხება.

რაც შეეხება სხვა პარტიების მიერ მიღებულ შემოსავალს, შემდეგნაირად ნაწილდება:

„სახელმწიფო ხალხისთვის“ - 638 144 ლარი

„დმეოკრატიული მოძრაობა“ – 625 705 ლარი

„საქართველოს პატრიოტთა ალიანსი“ – 403 407 ლარი

„თავისუფალი დემოკრატები“ – 276 585 ლარი

„რესპუბლიკური პარტია“ – 187 589 ლარი

„ეროვნული ფორუმი“ - 179 117 ლარი

„ლეიბორისტული პარტია“ – 177 071 ლარი

„მრეწველობა გადაარჩენს საქართველოს“ – 173 347 ლარი.

მაჟორიტარობის დამოუკიდებელი კანდიდატებიდან კი, ყველაზე მეტი შემოსავალი - 35 005 ლარი მიღებული აქვს ცეზარ ჩოჩელს; 34 000 ლარი - ილია კოკაიას; ხოლო 26 255 ლარი ირაკლი პეტრიაშვილს.