ე.წ. სამხრეთ ოსეთი 8 ოქტომბერს საქართველოში დაგეგმილ არჩევნებთან დაკავშირებით ადმინისტრაციულ საზღვარს დაკეტავს, - აღნიშნულ ინფორმაციას სააგენტო “სპუტნიკ ოსეტია” ე.წ. სამხრეთ ოსეთის დე ფაქტო სახელმწიფო უსაფრთხოების კომიტეტზე დაყრდნობით ავრცელებს.
სააგენტოს ცნობით, ცხინვალის საოკუპაციო რეჟიმის გადაწყვეტილებით, ე.წ. საზღვარი 7 ოქტომბერს 20:00 საათიდან 9 ოქტომბრის 07:00 საათამდე ჩაიკეტება.
ე.წ. სახელმწიფო უსაფრთხოების კომიტეტის განმარტებით, ადმინისტრაციული საზღვრის დაკეტვის გადაწყვეტილება ცხინვალმა არსებული ინფორმაციის გამო მიიღო.
აღნიშნული ინფორმაციის მიხედვით, არჩევნების დღეს რადიკალურად განწყობილი ჯგუფები საქართველოში საზოგადოებრივ-პოლიტიკური ვითარების დესტაბილიზაციის მიზნით პროვოკაციებს გეგმავენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.