ცენტრალურმა საარჩევნო კომისიამ 3 702 საარჩევნო უბნიდან 2 213 საარჩევნო უბანზე (ნახევარზე მეტი - 59.78%) პოლიტიკური ძალების მიერ მიღებული ხმების რაოდენობის წინასწარი შედეგები უკვე გამოაქვეყნა.

აღნიშნული შედეგების თანახმად, უმაღლეს საკანონმდებლო ორგანოში მხოლოდ ორი პოლიტიკური პარტია - "ქართული ოცნება - დემოკრატიული საქართველო" და "ერთიანი ნაციონალური მოძრაობა" შედის, დანარჩენი პოლიტიკური ძალები კი 5%-იან საარჩევნო ბარიერს ვერ ლახავენ.

ამ დროისთვის (9 ოქტომბერი, დილის 7:20 საათი) პოლიტიკური პარტიების და ბლოკების მიერ მიღებული ხმების შედეგები ასეთია:

"ქართული ოცნება - დემოკრატიული საქართველო": 50.16% (მიღებული ხმების რაოდენობა -484 747)

"ერთიანი ნაციონალური მოძრაობა": 26.65% (მიღებული ხმების რაოდენობა - 257 564)

„დავით თარხან-მოურავი, ირმა ინაშვილი - საქართველოს პატრიოტთა ალიანსი, გაერთიანებული ოპოზიცია”: - მიღებული ხმების რაოდენობა: 46 994 (4.86 %)

"ირაკლი ალასანია - თავისუფალი დემოკრატები": მიღებული ხმების რაოდენობა: 39 164 (4.05 %)

„პაატა ბურჭულაძე - სახელმწიფო ხალხისთვის” - მიღებული ხმების რაოდენობა: 35 130 (3.63 %)

„ნინო ბურჯანაძე - დემოკრატიული მოძრაობა": ”მიღებული ხმების რაოდენობა: 31 918 (3. 3%)

„შალვა ნათელაშვილი - საქართველოს ლეიბორისტული პარტია”: მიღებული ხმების რაოდენობა: 29 173 (3.02 %)

„უსუფაშვილი - რესპუბლიკელები”: მიღებული ხმების რაოდენობა: 14 078 (1.46 %)