შინაგან საქმეთა სამინისტროს აკადემიაში დონორთა საკოორდინაციო ჯგუფის შეხვედრა გაიმართა, რომელსაც საქართველოში აშშ-ს საელჩოს ანტინარკოტიკული და სამართალდამცავ ორგანოებთან ურთიერთობის საერთაშორისო ბიუროს (INL), მიგრაციის საერთაშორისო ორგანიზაციის (IOM), ევროკავშირის მისიისა და ევროსაბჭოს წარმომადგენლები, ასევე, ავსტრიის, საფრანგეთის და ლატვიის პოლიციის ატაშეები ესწრებოდნენ.
შსს-ს ცნობით, შეხვედრაზე აკადემიის რექტორმა, გივი მიქანაძემ სტუმრებს შსს-ს აკადემიაში მიმდინარე და დაგეგმილი პროექტების შესახებ დეტალური ინფორმაცია მიაწოდა.
დონორთა საკოორდინაციო ჯგუფის წევრებმა აკადემიაში არსებული საჭიროებების ანალიზის შედეგები და ერთობლივი პროექტების განხორციელების სამომავლო გეგმები განიხილეს.
შეხვედრის დასრულების შემდეგ სტუმრებმა შსს-ს აკადემიის ინფრასტრუქტურა, სასწავლო და ფიზიკური მომზადების ოთახები, იმიტირებული სასამართლო დარბაზი, იმიტირებული სასაზღვრო გამშვები პუნქტი, კრიმინალისტიკური მობილური ლაბორატორია, რეალური და ვირტუალური ტირები დაათვალიერეს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.