მე-9 მოწვევის პარლამენტმა 150-ვე დეპუტატის უფლებამოსილება ოფიციალურად ცნო. დროებითი სამანდატო კომისიის მიერ მომზადებული დადგენილების პროექტი პარლამენტმა 146 ხმით მიიღო.
"ქართულ ოცნებას" პარლამენტში 115 დეპუტატი ჰყავს, "ნაციონალურ მოძრაობას" 27, "პატრიოტთა ალიანსს" 6, დეპუტატებს შორის არის ერთი მაჟორიტარი დეპუტატი "მრეწველებიდან" და ერთი დამოუკიდებელი კანდიდატი სალომე ზურაბიშვილი.
დეპუტატებმა ფიცი უკვე დადეს.
ფიცი ცენტრალური საარჩევნო კომისიის თავმჯდომარემ, თამარ ჟვანიამ წაიკითხა.
„მე სრულიად საქართველოს წარმომადგენელი და მისდამი ანგარიშვალდებული ღვთისა და ერის წინაშე ვაცხადებ, რომ კეთილსინდისიერად აღვასრულებ პარლამენტის უფლებამოვალეობას. ვიქნები კონსტიტუციური წყობილების, ქვეყნის დამოუკიდებლობის, ერთიანობისა და მთლიანობის, ხალხის ინტერესების, მოქალაქეთა უფლებებისა და თავისუფლებების, საქართველოს ძლევამოსილების დაცვის სამსახურში“.
ფიცის დადების შემდეგ სხდომათა დარბაზში საქართველოს სახელწიფო ჰიმნი შესრულდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.