ლიტვის უმაღლესი დიპლომატიური პირი გამაფრთხილებელ განცხადებას აკეთებს, რომ რუსეთის პრეზიდენტმა ვალდიმერ პუტინმა შესაძლოა გამოცდა ჩაუტაროს ნატოს იმ დროის განმავლობაში, სანამ დონალდ ტრამპის შეერთებული შტატების პრეზიდენტად ინაუგურაცია მოხდება.

ლიტვის საგარეო საქმეთა მინისტრმა ლინას ლინკევიჩუსმა განაცხადა, რომ იგი „ძალიან შეშინებულია“ ბალტიისპირეთის, ისევე როგორც სირიის ქალაქ ალეპოს გამო.

როგორც BBC წერს, არსად არ უყურებენ დონალდ ტრამპისთვის ძალაუფლების გადაცემის პროცესს იმაზე უფრო ფრთხილად, ვიდრე ბალტიის ქვეყნებში.

ლიტვა დარწმუნებულია, რომ მისი ცუდი შეხედულება რუსების განზრახულობაზე გამართლებულია მისი გეოგრაფიით და ისტორიით.

ერთხელ საბჭოთა კავშირის ნაწილი, იგი ახლა ნატო-ს და ევროკავშირის წევრია. მას აქვს სახმელეთო საზღვარი რუსეთის ანკლავთან (სახელმწიფოს ტერიტორიის ნაწილი, რომელიც მთლიანდ გარშემორტყმულია სხვა სახელმწიფოების ტერიტორიებით) კალინინგრადთან ბალტიის ზღვაზე. (კალინინგრადი პოლონეთსა და ლიტვას შორის, ბალტიის ზღვის გასწვრივ მდებარეობს და იგი რუსეთის მნიშვნელოვან, დიდძალი, მძიმე შეიარაღების სამხედრო საგუშაგოს წარმოადგენს).

დედაქალაქ ვილნიუსში გამოფენილია ტრამპისა და რუსეთის პრეზიდენტის, ვლადიმერ პუტინის ფერწერული ნამუშევარი, რომელზეც ლიდერები მგზნებარედ არიან ერთმანეთთან ჩახუტებული.

მთავრობა, ბუნებრივია, თავის შეხედულებებს ნაკლებად ავის მომასწავებელი ფორმით გამოხატავს, მაგრამ იგი იზიარებს ძირითად წუხილს მხატვრისა, რომ ტრამპი და პუტინი ძალიან ახლოს და კომფორტულად არიან ერთმანეთთან, - წერს ბრიტანული სამაუწყებლო კომპანია და განაგრძობს, რომ შიშს აქ ის წარმოადგენს, რომ შეერთებული შტატები ენერგიულად ცდილობს შეხედოს რუსეთს, როგორც პოტენციურ პარტნიორს და სურვილის არმქონეა გაიზიაროს აღმოსავლეთ ევროპაში არსებული შეხედულება, რომ მოსკოვი წარმოადგენს ძლიერ და უშუალო სამხედრო საფრთხეს.

ლიტვის საგარეო საქმეთა მინისტრმა ლინას ლინკევიჩუსმა BBC-ს მარტივად უთხრა: "რუსეთი არ არის სუპერ სახელმწიფო, ის სუპერ პრობლემაა".