დაახლოებით 80 000 ადამიანი ევაკუაციის შესახებ გააფრთხილეს, რადგანაც ძლიერი ხანძარი ისრაელის სიდიდით მესამე ქალაქ ხაიფას მოედო. აღნიშნულ ინფორმაციას BBC ავრცელებს.

ხანძარი ორთვიან გვალვებს მოჰყვა და მის გაძლიერებას ჩრდილოეთ ნაწილში მდებარე საპორტო ქალაქში მძლავრმა ქარმა შეუწყო ხელი.

ცეცხლი ასევე საფრთხეს უქმნის იერუსალიმის და დასავლეთ სანაპიროს ახლოს მდებარე სახლებს.

ისრაელის პოლიციის ხელმძღვანელმა განაცხადა, რომ ზოგიერთ შემთხვევაში ცეცხლის წაკიდების ეჭვები გააჩნიათ, ხოლო პრემიერ მინისტრმა ბენიამინ ნეთანიაჰუმ აღნიშნა, რომ ნებისმიერი ასეთი თავდასხმები გათანაბრებული იქნება „ტერორთან“.

„ხანძრის გაჩენის ნებისმიერი შემთხევა, რომელიც ცეცხლის წაკიდების ან წაკიდების წაქეზების შედეგად იყო გამოწვეული, ნებისმიერ შემთხევაში არის ტერორი და ჩვენ მას ამგვარად განვიხილავთ და მოვეპყრობით“, განაცხადა ნეთანიაჰუმ, რომლის სიტყვების ციტირებასაც გაზეთი Haaretz-ი ახდენს.

„ნებისმიერი ვინმე, ვინც ცდილობს გადაწვას ისრაელის სახელმწიფოს ადგილები, უმკაცრესად იქნება დასჯილი“, - დაამატა ნეთანიაჰუმ.

პოლიციის ხელმძღვანელმა რონი ალშეიხმა განაცხადა, რომ თუ ხანძარი ცეცხლის განზრახ წაკიდების გამო გაჩნდა, მაშინ „სარწმუნოა ივარაუდო... რომ ეს არის პოლიტიკურად მოტივირებული“.

განათლების მინისტრი ნაფტალი ბენეტი, მემარჯვენე ფრთის რელიგიური „ებრაული სახლის პარტიის“ ლიდერი ასევე „თვითერზე“ დაწერილის მიხედვით, ჩანდა, რომ ხანძრის გაჩენაში არაბების ან პალესტინილების ჩართულობას ვარაუდობს. „მხოლოდ ისინი, რომელთაც ქვეყანა არ ეკუთვნით, არიან შემძლე მისი გადაწვის“.

კომენტარებმა პალესტინის პრეზიდენტის მაჰმუდ აბასის „ფატას მოძრაობაში“ გაბრაზებული რეაქცია გამოიწვია. მათ განაცხადეს, რომ ისრაელის ოფიციალური პირები „ხანძარს იყენებენ“ პალესტინელებისადმი ბრალის დადებაში.

„ის რაც იწვის, არის ჩვენი ხეები და ჩვენი მიწა ისტორიული პალესტინისა“, - აღნიშნულია „ფატას“ განცხადებაში.