ფედერალურმა ორგანოებმა ლოს-ანჯელესში FBI -ის „10 ყველაზე მეტად ძებნილის“ სიაში მყოფი მამაკაცი, სავარაუდოდ მარლონ ჯონსი, პარასკევს პატიმრობაში აიყვანა, ერთი დღის შემდეგ, რაც იგი ოქტომბერში დაბადების დღის სუფრაზე საბედისწერო გასროლისთვის, ძებნილთა სიაში შეიყვანა.

FBI-ის განცხადებაში აღნიშნულია, რომ ჯონსი 15 ოქტომბერს გამთენიისას სხვა შეირაღებულ პირებთან ერთად ცეცხლსასროლი იარაღიდან გასროლასთან კავშირის ქონისთვის იძებნებოდა, რომლის შედეგადაც 4 ადამიანი გარდაიცვალა და 10 დაიჭრა ლოს-ანჯელესთან მდებარე სახლში, რომელიც რესტორნად გამოიყენებოდა.

ფედერალური საგამოძიებო ბიუროს ადგილობრივი განყოფილების ცნობით, ეჭვმიტანილი დევნისას დაიჭირეს. სხვა დეტალებზე „თვითერზე“ გამოქვეყნებულ განცხადებაში არაფერია ნათქვამი.

FBI -ის განცხადებით, ხელისუფლებას სჯერა, რომ ჯონსი, რომელსაც ხანგრძლივი კრიმინალური ისტორია აქვს, იამაიკაში დაიბადა და შეერთებულ შტატებში არალეგალურად იმყოფება.

FBI -ის თანახმად, ჯონსი იყენებდა სხვადასხვა მოგონილ სახელებს, დაბადების დღეებს და ადგილებს.

ჯონსი ფედერალური საგამოძიებო ბიუროს „10 ყველაზე მეტად ძებნილის“ სიაში ხუთშაბათს შეიყვანეს, და 510-ე პიროვნება გახდა, რომელიც აღნიშნულ სიაში იქნა შეყვანილი 1950 წლის შემდეგ, როდესაც ის შეიქმნა, აცხადებენ FBI -ში.