საქართველოს პრემიერ მინისტრი საქართველოს, UNESCO-ს მიერ, მცხეთის ისტორიული ძეგლებისთვის გაძლიერებული დაცვის სტატუსის მინიჭებას ულოცავს, - როგორც გიორგი კვირიკაშვილმა მთავრობის დღევანდელ სხდომაზე განაცხადა, მსოფლიოში ამჟამად, ამგვარი სტატუსის მხოლოდ 10 ობიექტია.
„ასეთი სტატუსი ენიჭება მხოლოდ ისეთ ძეგლებს, რომლებსაც კაცობრიობისათვის უდიდესი კულტურული ფასეულობა გააჩნია და ამიტომ, კიდევ ერთხელ გილოცავთ ამ ძალიან მნიშვნელოვან გადაწყვეტილებას“, - განაცხადა პრემიერ მინისტრმა.
მთავრობის ადმინისტრაციის ცნობით, გიორგი კვირიკაშვილმა მადლობა გადაუხადა ყველა სახელმწიფო უწყებას - კულტურის, თავდაცვის, შინაგან საქმეთა, საგარეო საქმეთა და იუსტიციის სამინისტროებს, მთავრობის ადმინისტრაციას, რომელთა აქტიური ჩართულობით მიღებული იქნა ეს უმნიშვნელოვანესი გადაწყვეტილება.
პრემიერის განცხადებით, 2016 წელი ძალიან მნიშვნელოვანი UNESCO-ს მიერ ქართული კულტურული მემკვიდრეობის აღიარების კუთხით.
„მიმდინარე წლის ივლისში მცხეთის ისტორიული ძეგლები ამოღებულ იქნა UNESCO-ს საფრთხის ქვეშ მყოფი ძეგლების ნუსხიდან და ძირითად ნუსხაში დაბრუნდა. ასევე, 30 ნოემბერს, UNESCO-მ ქართულ ანბანს მსოფლიო არამატერიალური კულტურული მემკვიდრეობის სტატუსი მიანიჭა, რაც ასევე არა მხოლოდ ჩვენი ანბანის, არამედ ქართული კულტურის, ისტორიისა და იდენტობის კიდევ ერთი საერთაშორისო აღიარება გახლავთ. კიდევ ერთხელ გილოცავთ ამ ძალიან მნიშვნელოვან მოვლენას“, - განაცხადა პრემიერმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.