მოკლულია სულ მიცრე 30 და დაჭრილია 80 ადამიანი ქაბულში ავღანეთის პარლამენტთან ახლოს ორი ბომბის აფეთქების შედეგად.

BBC-ის ცნობით, თავდასხმა პიკის საათებში მოხდა, მაშინ როცა თანამშრომლები პარლამენტის კომპლექსს ტოვებდნენ.

მომხდარზე პასუხისმგებლობა ჯერჯერობით არც ერთ დაჯგუფებას არ აუღია.

გავრცელებული ინფორმაციით, მსხვერპლთა უმრავლესობა სამოქალაქო პირები, მათ შორის პარლამენტის თანამშრომლები არიან. ამ დროისთვის საუბარია ორ ერთდროულად განხორციელებულ აფეთქებაზე - თვითმკვლელის მიერ თავის აფეთქებაზე და ავტომანქანაში დამონტაჟებული ბომბის ამოქმედებაზე.

ავღანეთის ჯანდაცვის მინისტრის, ვაჰიდ მაჯროჰის განცხადებით, დაჭრილები სასწრაფო სამედიცინო დახმარების ავტომანქანებით სააავდმყოფოებში არიან გადაყვანილი.

პარლამენტის უსაფრთხოების სამსახურის დაცვის დაჭრილმა წევრმა AFP-ს განუცხადა: პირველი აფეთქება პარლამენტის გარეთ მოხდა... რამდენიმე უდანაშაულო თანამშრომელი დაიღუპა და დაიჭრა. აფეთქების მიზეზი ფეხით მომავალი თვითმკვლელი იყო“.

მისი თქმით, ავტომანქანა, რომელშიც ბომბი იყო დამონტაჟებული, „ქუჩის მეორე მხარეს აფეთქდა და უკან გადამისროლა, როდესაც ამოქმედდა“.