ქობულეთის მუნიციპალიტეტში დიდთოვლობამ პრობლემები შექმნა. როგორც Guardian.ge-ს ქობულეთის გამგეობიდან აცნობეს, უამინდობამ ელექტროგადამცემი ხაზები დააზიანა, რის შედეგადაც 1 300-მდე აბონენტს ელექტროენერგია არ მიეწოდება.
სტიქიამ დააზიანა წყალსადენი სისტემებიც. მუნიციპალიტეტის საბავშვო ბაღებსა და 19 საჯარო სკოლაში სასწავლო პროცესი დროებით შეწყვეტილია.
„სტიქიის სალიკვიდაციო ღონისძიებები დილიდან განახლდა. მიმდინარეობს სასოფლო გზების გაწმენდითი სამუშაოები. ბათუმი-ქობულეთის მიმართულებით სატრანსპორტო გადაადგილება შეფერხებული არ არის, ქობულეთი-ოზურგეთის მიმართულებით კი მოძრაობა მაღალი გამავლობის ავტომანქანებითაა შესაძლებელი. გზების გაწმენდა ინტენსიურად მიმდინარეობს. ამ დროისათვის 12 ერთეული სპეცტექნიკა მუშაობს.
„ენერგო-პრო ჯორჯიას“ ინფორმაციით ამ ეტაპისთვის 1 300-მდე აბონენტს არ მიეწოდება ელექტროენერგია, მიმდინარეობს დაზიანებული ელექტროგადამცემი ხაზების აღდგენითი სამუშაოები.
სტიქიის შედეგად დაზიანდა წყალსადენი სისტემები. დიდთოვლობის გამო აღდგენითი სამუშაოები შეფერხებით მიმდინარეობს. დაბალი კონტიგენტის გამო სასწავლო პროცესი მუნიციპალიტეტის საბავშვო ბაღებსა და 19 საჯარო სკოლაში დროებით შეწყვეტილია. სტიქიასთან ბრძოლის შტაბი საგანგებო რეჟიმში განაგრძობს მუშაობას", - აცხადებენ ქობულეთის გამგეობაში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.