საქართველოს საგარეო საქმეთა მინისტრის, მიხეილ ჯანელიძის განცხადებით, სტრასბურგში, ადამიანის უფლებათა ევროპულ სასამართლოში მისი ვიზიტისას კონკრეტულ საქმეებთან დაკავშირებით საუბარი არ ყოფილა.
კითხვაზე, შეეხო თუ არა სასამართლოში გამართული შეხვედრისას საუბარი „რუსთავი 2“-თან დაკავშირებულ საქმეს, მინისტრმა უპასუხა, რომ არც საგარეო საქმეთა სამინისტრო და არც მინისტრი „კონკრეტულ საქმეებს არ იხილავს".
„ჩვენ დღეს ვისაუბრეთ იმ სტატისტიკაზე, რომელიც დადებითია და მცირდება აპლიკაციები საქართველოდან. ეს მიანიშნებს იმ პროგრესზე, რომელიც საქართველოს აქვს ადამიანის უფლებების დაცვის კუთხით. ჩვენ ვისაუბრეთ რეფორმებზე, რომელიც ხორციელდება საქართველოში როგორც სასამართლოს დამოუკიდებლობის კუთხით, ასევე კანონის უზენაესობის კუთხით”, - განაცხადა ჯანელიძემ.
საგარეო საქმეთა სამინისტროს ცნობით, სტრასბურგში სამუშაო ვიზიტისას მიხეილ ჯანელიძე ადამიანის უფლებათა ევროპული სასამართლოს პრეზიდენტს გუიდო რაიმონდის შეხვდა.
უწყების ინფორმაციით, შეხვედრაზე საუბარი დაეთმო ბოლო წლებში საქართველოში გატარებულ რეფორმებს, როგორც ადამიანის უფლებების, ასევე კანონის უზენაესობის დაცვის მიმართულებით - მათ შორის, მინისტრმა პრეზიდენტს ინფორმაცია მიაწოდა სასამართლო სისტემაში გატარებულ რეფორმებზე, რაც უზრუნველყოფს სასამართლო ინსტიტუტების დამოუკიდებლობას.
სტრასბურგში ვიზიტისას მინისტრმა შეხვედრა გამართა ასევე ადამიანის უფლებათა კომისარის კაბინეტში და შეხვდა ევროპის საბჭოში ევროკავშირის ელჩებსაც.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.