ოკუპირებულ დასავლეთ სანაპიროზე, რამალასთან ახლოს, სამი ისრაელელი მშვიდობიანი მოქალაქე ცივი იარაღით იქნა მოკლული, კიდევ ერთი ისრაელელი კი ჰალამიშში შეტაკებისას დაიჭრა, რომელსაც ადგილი იერუსალიმის წმინდა ადგილებში ახალი უსაფრთხოების ზომების გამო პალესტინელებსა და ისრაელის უსაფრთხოების ძალებს შორის შეხლა-შემოხლის დასრულებამდე ჰქონდა. ამის შესახებ BBC იუწყება.
ისრაელის არმიის განცხადებით, პარასკევს ჰალამიშში, რომელიც ასევე ცნობილია როგორც ნევე ცუფი, ოთხ მშვიდობიან ისრაელელ მოქალაქეზე თავდასხმა ცივი იარაღით განხორციელდა, მას შემდეგ რაც „თავდამსხმელმა კერძო სახლში შეაღწია“.
ისრაელის მედიის ცნობით, თავდასხმის მსხვერპლთაგან ორი მამაკაცია და ერთი ქალი. კიდევ ერთი ქალს, რომელსაც ჭრილობები აქვს მიყენებული, მკურნალობა საავადმყოფოში უტარდება.
ისრაელის არმიის განცხადებით, თავდამსხმელი ახალგაზრდა პალესტინელი მამაკაცი ომარ ალ-აბედია. იგი საავადმყოფოში გადაიყვანეს, მაგრამ მისი ჯანმრთელობის მდგომარეობა უცნობია.
მშვიდობიანი ისრაელელების მკვლელობამდე, პარასკევს, აღმოსავლეთ იერუსალიმსა და დასავლეთ სანაპიროზე სამი პალესტინელი იქნა მოკლული და ბოლო დღეების განმავლობაში ასეულობით ადამიანმა მიიღო დაზიანებები.
პალესტინის პრეზიდენტმა მაჰმუდ აბასმა განაცხადა, რომ აღნიშნულის გამო ის ისრაელთან ყველანაირ კონტაქტს ყინავს.
დაძაბულობა მას შემდეგ გაიზარდა, რაც გასულ პარასკევს იერუსალიმში წმინდა ადგილების მიმდებარედ სამმა ისრაელელმა არაბმა ცეცხლსასროლი იარაღით ორი ისრაელელი პოლიციელი მოკლა, ერთი კი დაჭრა. თავდამსხმელების ლიკვიდაცია პოლიციის ოფიცრებმა ინციდენტის ახლომდებარე ადგილას მალევე მოახდინეს.
BBC-ის ცნობით, პარასკევ დილით ათასობით ისრაელელი პოლიციელი განალაგეს იერუსალიმში და 50 წელს ქვემოთ ასაკის პალესტინელ მამაკაცებს ძველ ქალაქში შესვლა აეკრძალათ - ზომა, რომელსაც ზოგჯერ მიმართავენ წმინდა ადგილებში იმისათვის, რომ ძალადობრივი პროტესტებისაგან დაიზღვიონ თავი.
პოლიციის განცხადებით, მათ პალესტინლების დასაშლელად ცრემლსადენი გაზი გაუშვეს, პალესტინელები კი ქვებს ისროდნენ და ცდილობდნენ გაერღვიათ ქუჩაში აღმართული პოლიციის კორდონები.
პალესტინის ჯანდაცვის მინისტრმა განაცხადა, რომ რას ალ-მუდის მიდამოებში ცეცხლსასროლი იარაღით 17 წლის პალესტინელი მამაკაცია მოკლული, თუმცა მას არ დაუკონკრეტებია თუ ვინ იდგა მკვლელობის უკან.
მეორე მამაკაცი პარასკევს, აღმოსავლეთ იერუსალიმში შეხლა-შემოხლისას მიყენებული სერიოზული ჭრილობის შედეგად გარდაიცვალა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.