საქართველოს ექსპრეზიდენტისა და უკრაინის პრეზიდენტის საერთაშორისო მრჩეველთა საბჭოს თავმჯდომარის მიხეილ სააკაშვილის განცხადებით, ის უკრაინაში ბინადრობის ნებართვის აღებას ვერ ახერხებს.


სააკაშვილის განცხადებითვე, ეს პროცედურა, რომელსაც საქართველოში 7 წუთი სჭირდებოდა, უკრაინაში 5 კვირა გრძელდება.


ამ პრობლემის შესახებ სააკაშვილმა ერთ-ერთი უკრაინული არხის ეთერში ისაუბრა.


„მე უკვე 5 კვირაა ვცდილობ ბინადრობის ნებართვა ავიღო, რადგან უკრაინის პრეზიდენტის მრჩეველი ვარ და ეს ნებართვა სწრაფად მჭირდება. მე არ ვაპირებ ვიღაცას ამისთვის ქრთამი მივცე. ეს ხომ სწორია? ჩვენთან (საქართველოში) ამ პროცედურისთვის სულ რაღაც 7 წუთია საჭირო, აქ კი უკვე რამდენიმე კვირაა ამას ვცდილობ“, – განაცხადა მიხეილ სააკაშვილმა.