თბილისში, ნუცუბიძის მე-4 მ/რ-ში ახალი საბავშვო ბაღის მშენებლობა დაიწყო. დედაქალაქის მერიის ცნობით, მშენებლობის საძირკველში სიმბოლური კაფსულა თბილისის მერმა ბაგა-ბაღების მართვის სააგენტოს ხელმძღვანელთან ერთად ჩადო.
მათივე ინფორმაციით, ახალი, შვიდ ჯგუფიანი საბავშვო ბაღი ნუცუბიძის მე-4 მ/რ-ში, ყოფილი 183-ე ბაღის მიმდებარედ შენდება, სადაც ახლა 90-იან წლებში შესახლებული იძულებით გადაადგილებული პირები ცხოვრობენ. პროექტისთვის 2 700-მდე კვადრატული მეტრი ტერიტორიაა გამოყოფილი. ბაღში 2 ბაგის და 5 სამიდან ექვს წლამდე ასაკობრივი ჯგუფი იქნება. დასაქმდება 50-მდე ადამიანი.
„ჩვენ დავიწყეთ კიდევ ერთი ახალი ბაღის მშენებლობა, რომელიც ნუცუბიძის მე-4 მ/რ-ს მოემსახურება და შესაბამისად, ძალიან ბევრი საცხოვრებელი სახლი, რომელიც გარშემო დგას და იქ მცხოვრები ადამიანები, რომლებსაც ბავშვების შორს ტარება უწევთ, ან საერთოდ ვერ დაყავთ საბავშვო ბაღებში, ამ ახალი ბაღის აშენების შემდეგ იქნებიან დაკმაყოფილებულნი. ეს იქნება აბსოლუტურად თანამედროვე, დაახლოებით, 300 ბავშვზე გათვლილი ბაღი, ენერგოეფექტური და კომფორტული, იმისათვის, რომ ჩვენი პატარები ღირსეულ გარემოში გაიზარდონ,“ განაცხადა დავით ნარმანიამ.
საბავშვო ბაღი 2018 წლის პირველ ნახევარში დასრულდება და 280-მდე აღსაზრდელს მიიღებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.