ლილიან ბეტანკური, კოსმეტიკური ფირმის, L‘Oreal-ის მემკვიდრე, 94 წლის ასაკში გარდაიცვალა. ინფორმაციას BBC მის ოჯახზე დაყრდნობით ავრცელებს.
განცხადებაში ნათქვამია, რომ იგი სახლში, შუაღამისას „მშვიდად“ გარდაიცვალა.
2017 წელს წმინდა მოგების სახით 40 მილიარდი აშშ დოლარით იგი მსოფლიოს უმდიდრეის ქალი იყო.
მან კომპანიის სამეთვალყურეო საბჭო 2012 წელს დატოვა და მას შემდეგ საჯაროდ იშვიათად ჩნდებოდა, მაგრამ ახალი ამბების ბადეში მის მიმართ ყურადღება არ შენელებულა, რადგან მას დემენციის დიაგნოზი დაუდგინეს.
კომპანიის თავმჯდომარე გავრცელებულ განცხადებაში აღნიშნავს: „ჩვენ ყველანი ღრმა თაყვანს ვცემდით ლილიან ბეტანკურს, რომელიც ყოველთვის მზრუნველობას უწევდა „ლ’ორეალს“, კომპანიას და მის თანამშრომლებს, და რომელსაც ძალზე დიდი დამსახურება მიუძღვის მის წარმატებასა და განვითარებაში.
„მას ძალიან მრავალი წლის განმავლობაში პირადად შეჰქონდა დიდი წვლილი მისი წარმატებისთვის. სილამაზის დიდებულმა ქალბატონმა დაგვტოვა ჩვენ და ჩვენ მას არასოდეს დავივიწყებთ“.
თმის საღებავების კომპანია მამამისმა 1909 წელს დაარსა, რომელიც შემდეგ L‘Oreal ჯგუფად ჩამოყალიბდა.
იგი ახლა მსოფლიოს ყველაზე მსხვილი კოსმეტიკური კომპანიაა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.