საქართველოს შეიარაღებული ძალების გენერალური შტაბის უფროსმა, გენერალ-მაიორმა ვლადიმერ ჩაჩიბაიამ ესტონელ კოლეგასთან, გენერალ რიჰო ტერასთან შეხვედრა გამართა.
საუბრის დასაწყისში გენერალ-მაიორმა ვლადიმერ ჩაჩიბაიამ განსაკუთრებით გამოყო საქართველოს შეიარაღებული ძალების შესაძლებლობების განვითარებაში ესტონეთის მნიშვნელოვანი დახმარება და ნატო-საქართველოს არსებითი პაკეტით (SNGP) გათვალისწინებული ერთ-ერთი პროექტის იმპლემენტაციაში ესტონეთის ჩართულობა.
გენერლებმა საქართველოსა და ესტონეთს შორის სამხედრო სფეროში ორმხრივი თანამშრომლობის საკითხები განიხილეს. გენერალ-მაიორმა ვლადიმერ ჩაჩიბაიამ კოლეგასთან საუბრისას საგანმანათლებლო სფეროში და კიბერუსაფრთხოების მიმართულებით ესტონეთის მხარდაჭერას გაუსვა ხაზი. საუბარი შეეხო საქართველოს ეროვნულ გვარდიასა და ესტონეთის თავდაცვის ლიგას შორის თანამშრომლობის მნიშვნელობას. ქართველმა გენერალმა ხაზგასმით აღნიშნა ესტონეთის დახმარება ეროვნული გვარდიის სკოლის განვითარების საქმეში.
გენერალი რიჰო ტერასი ესტონეთის პრეზიდენტის საქართველოში ვიზიტის ფარგლებში იმყოფება.
ინფორმაციას თავდაცვის სამინისტრო ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.