ხონში, ცენტრალურ ბულვარში ადგილობრივი ხელისუფლებისა და საზოგადოების წარმომადგენლებმა საქართველოში 29 წლის წინ მომხდარი ტრაგედიის დროს დაღუპული გმირები გაიხსენეს და 9 აპრილის მემორიალი ტიტებით შეამკეს.

„დაღუპულთა სულის მოსახსენიებელი პანაშვიდი აღავლინა ხონის წმინდა გიორგის სახელობის ტაძრის წინამძღვარმა დეკანოზმა მამა იოანემ. 29 წლის წინ ამ ავბედით დღეს, საქართველოს დამოუკიდებლობას 21 ადამიანი შეეწირა, რომელთა შორის უმეტესობა ქალი იყო. დაღუპულთა გარდა იყვნენ დაჭრილები და დაუდგენელი ქიმიური ნივთიერებით მოწამლული 2000-მდე მომიტინგე. 1989 წლის 9 აპრილი საქართველოს უახლეს ისტორიაში ჩაიწერა, როგორც ტრაგედიის, ამავდროულად საქართველოს დამოუკიდებლობის აღდგენის დღედ. დღესვე, ადგილობრივი ხელისუფლების წარმომადგენლები, მიცვალებულთა ხსენების დღესთან დაკავშირებით, აგვისტოს ომში დაღუპული ხონელი გმირების საფლავებზე იმყოფებოდნენ და მათ ხსოვნას პატივი მიაგეს", აღნიშნულია ხონის მერიის პრესსამსახურის მიერ გავრცელებულ ინფორმაციაში.