პაატა ბურჭულაძე ფონდ „იავნანას“ წინააღმდეგ აღძრულ სისხლის სამართლის საქმეს კიდევ ერთხელ ეხმაურება და აცხადებს, რომ იმ პირობებში, როცა ქართულ სახელმწიფოში მისი მსგავსი პიროვნებაც კი არ არის დაცული, წარმოუდგენია რა დღეში შეიძლება აღმოჩნდნენ სხვა, რიგითი მოქალაქეები.
2016 წლის საპარლამენტო არჩევნებზე დამარცხებული და პოლიტიკიდან წასული მსოფლიო ბანი აცხადებს, რომ ახლა ყველა იმ პოლიტიკური გაერთიანების მხარდამჭერია, ვინც „ოცნების“ წინააღმდეგ გამოდის.
„ოცნებამ“ ჩაიდინა სახელმწიფოებრივი დანაშაული, როდესაც შეეხო ფონდ „იავნანას“, უთხრა „რუსთავი 2“ -ის გადაცემა „პოსტ-სკრიპტუმს“ პაატა ბურჭულაძემ და ბიძინა ივანიშვილთან 2012 წელს გამართული შეხვედრების შინაარსის გასაჯაროება დაანონსა.
„ვრცლად მაქვს მოსაყოლი. ჩემი პირველი შეხვედრები ბატონ ბიძინასთან, რა ემოციებით გამოვედი, როგორი შთაბეჭდილება მქონდა, როგორ აღვიქვი მე ეს ადამიანი, რა მითხრა მან, რა ვუპასუხე - ამას, მინდა ცალკე გადაცემა მივუძღვნათ, იმიტომ რომ ეს, ცოტა მოგვიანებით, უნდა იცოდეს სუყველამ. იმიტომ, რომ ყველამ უნდა იცოდეს, ვისთან გვაქვს საქმე და დღეს „ოცნებამ“ გადააჭარბა ყველა მოლოდინს. ასეთი მოღალატეობრივი მთავრობა ჩვენ არ გვყოლია“, განაცხადა პაატა ბურჭულაძემ.
სახელოვანი საოპერო მომღერალი ნანობს, რომ ბიძინა ივანიშვილს სააკაშვილის წინააღმდეგ ბრძოლაში გვერდით დაუდგა.
„მე არაფერი არ მმართებს მისი, მას მართებს ჩემი იმიტომ, რომ ჩემდა სამწუხაროდ, ძაან გვერდში დავუდექი, როდესაც სააკაშვილის წინააღმდეგ იყო და სულ აჩვენებდნენ, როგორ ვეხუტებოდით ერთმანეთს და მას მართებს ჩემი და მე, აი, ძაან განვიცდი, რომ მე მოვხვდი ამ კადრში, იმიტომ, რომ დღეს სავალალო მდგომარეობა გვაქვს ზუსტად მაგიტომ, რომ ჩვენ ბევრნი მოვხვდით ამ სიტუაციაში, სამწუხაროდ“, აღნიშნა პაატა ბურჭულაძემ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.