ადიგენის მუნიციპალიტეტის მერი ზაქარია ენდელაძე ფერმერთა ასოციაცია „ერთობას" წარმომადგენლებს შეხვდა.

ქართულ-ფრანგული ერთობლივი პროგრამა „კავკასიური რძე“ სამცხე-ჯავახეთის რეგიონში, კერძოდ ახალციხე, ადიგენი, ასპინძის მუნიციპალიტეტებში 2011 წლიდან მეცხოველეობის დარგში რძის წარმოება-გადამუშავების, საკვებწარმოების და ცხოველთა ჯანმრთელობის მიმართულებით მუშაობს.

პროექტის ფარგლებში 2015 წელს ადგილობრივმა ფერმერებმა ჩამოაყალიბეს ფერმერთა ასოციაცია „ერთობა“, რომლის მიზანია მეცხოველეობის დარგის განვითარებაში მათი აქტიური ჩართულობა და ფერმერთა ადვოკატირება სამთავრობო თუ არასამთავრობო სტრუქტურებთან.

2018 წლისათვი ფერმერთა ასოციაცია „ერთობა" და პროექტი „კავკასიური რძე“ გეგმავს განახორციელოს რეგიონალური ფორუმი. ფორუმის მიზანია ასოციაციისა და პროექტის თანამშრომლობის, განვითარების და სამომავლო გეგმების წარდგენა. ფორუმი შედგება ორი ნაწილისაგან: პირველი ნაწილი გულისხმობს საკონფერენციო შეხვედრას, რომელსაც დაესწრებიან მოწვეული სტუმრები სამთავრობო და არასამთავრობო სტრუქტურებიდან და ფერმერები. მეორე ნაწილი გაიმართება ღია სივრცეში, რომელსაც ექნება გამოფენა /(გაყიდვის) სახე და წარმოდგენილი იქნება პროექტის ფარგლებში განხორციელებული ექსპერიმენტებისა თუ პროექტების შედეგად მიღებული რძისა და რძის წარმოებისათვის საჭირო თუ მასთან დაკავშირებული პროდუქცია, ტექნიკა და აღჭურვლობა.

ფორუმის ორგანიზებაში აქტიურად არიან ჩართული სამთავრობო სტრუქტურები, კერძოდ : ახალიციხე, ადიგენი, ასპინძის მერია, ქალთა ოთახები და რაბათის ციხის ადმინისტრაცია. ფორუმი ახალციხეში, რაბათის ციხის ტერიტორიაზე ჩატარდება.

ინფორმაციას ადიგენის მუნიციპალიტეტის მერია ავრცელებს.