ხორავას ქუჩაზე მოზარდების მკვლელობის საქმეზე შექმნილი პარლამენტის დროებითი საგამოძიებო კომისიის დასკვნასთან დაკავშირებით, 51-ე საჯარო სკოლის დირექტორის მოადგილემ, თინათინ ყენიამ „იმედის“ ჟურნალისტთან სატელეფონო საუბარში განაცხადა, რომ გახარებული იქნებოდა თუ საეჭვოს დაინახავდა იმაში, რაც სკოლის აივნიდან დაინახა. როგორც ყენია ამბობს მან დაინახა უცხო მოსწავლეები, თუმცა არ უფიქრია იმაზე, რომ თავისი სკოლის მოსწავლეების კონფლიქტი გაგრძელდებოდა და ეს ტრაგედია მოხდებოდა.

„მე არ დამინახავს 35 ბავშვი მანდატურის სამსახურთან და ის მე რაც დავინახე - ეს იყო სასწავლო პროცესის დასრულების პერიოდი და ნახევარი სკოლა ანუ დილის ცვლა იყო გარეთ. ის რომ 5 ბავშვი სკოლის მოსწავლე ჩანთებით უცხო ბავშვები, რომლებიც იდგნენ სკოლის ტერიტორიის გარეთ და მე აივნიდან დავინახე ეს ბავშვები, არ ნიშნავს იმას, რომ მე ვიცოდი 35 ბავშვი რას ლაპარაკობდა. ძალიან გამეხარდებოდა, რაიმე საეჭვო დამენახა და ეს საუბარი ჩვენ არ გვქონდა და ჩვენ არ ვყოფილყავთ ამ მდგომარეობაში და ტრაგიკულად არ დასრულებულიყო ეს ყველაფერი“, განაცხადა თბილისის 51-ე საჯარო სკოლის დირექტორის მოადგილემ, თინათინ ყენიამ.