ფოთში ძლიერი აფეთქება მოხდა, რის შედეგადაც 1 ადამიანი გარდაიცვალა და 3 დაშავდა. „კურიერის“ ინფორმაციით, ნაბადოს უბანში გაურკვეველ ვითარებაში რამდენიმე ახალგაზრდას ხელყუმბარა აუფეთქდა. ერთ-ერთი დაშავებული არასრულწოვანია.
შემთხვევა გამთენიისას ქუჩაში მოხდა. დაშავებულები ფოთისა და ქუთაისის საავადმყოფოებში გადაიყვანეს.
აფეთქების შედეგად დაზიანებულია ინფრასტრუქტურა. დეტალებზე ადგილობრივებს საუბარი უჭირთ, რადგან შემთხვევის დროს ადგილზე არავინ იმყოფებოდა, აფეთქებაც გაურკვეველ ვითარებაში მოხდა.
„თვითმხილველი არავინ ყოფილა, ამბობენ, რომ რაღაც აუფეთქდათო. დაახლოებით შვიდი საათი იქნებოდა დაწყებული“, ამბობს ადგილობრივი.
ადგილზე პოლიცია და ექსპერტ-კრიმინალისტები მუშაობდნენ. გამოძიება სსკ-ის 236-ე და 124-ე მუხლებით, რაც გულისხმობს ცეცხლსასროლი იარაღის, საბრძოლო მასალის, ფეთქებადი ნივთიერების ან ასაფეთქებელი მოწყობილობის მართლსაწინააღმდეგო შეძენა-შენახვა-ტარებას და ჯანმრთელობის ნაკლებად მძიმე ან მძიმე დაზიანებას გაუფრთხილებლობით.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.