საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტმა ქვეშეთი-კობის 22.7 კმ-იანი მონაკვეთის პროექტზე, მლეთაში გარემოზე ზემოქმედების შეფასების საკონსულტაციო შეხვედრა გამართა.
შეხვედრის მიზანს წარმოადგენდა მოსახლეობის ინფორმირება და პროექტის შესახებ მათი მოსაზრებების მოსმენა.
წარმოდგენილი იქნა დეტალური პრეზენტაცია პროექტის შესახებ, გამოითქვა მოსაზრებები ადგილობრივი მოსახლეობისა და არასამთავრობო ორგანიზაციების წარმომადგენლების მხრიდან.
ქვეშეთი-კობის გზის მშენებლობის ფარგლებში გათვალისწინებულია 2.7 კმ-იანი 2 ზოლიანი ასფალტ-ბეტონის გზის, 6 ხიდის და 5 გვირაბის, მათ შორის ერთი 9 კმ-იანი გვირაბის მშენებლობა.
პრეზენტაციას რეგიონული განვითარებისა და ინფრასტრუქტურის მინისტრის პირველ მოადგილესთან ერთად დაესწრო მცხეთა-მთიანეთის გუბერნატორი.
შალვა კერესელიძის განცხადებით ქვეშეთი-კობის საავტომობილო გზის მონაკვეთი მნიშვნელოვნად შეამცირებს გადაადგილების დროს, ხელს შეუწყობს ტრანზიტული ტვირთების სწრაფად გადაადგილებას და ტურიზმის განვითარებას რეგიონში. რაც ყველაზე მნიშვნელოვანია, ხადის ხეობას მიეცემა შესაძლებლობა განვითარდეს, როგორც ტურისტული ობიექტი.
ინფორმაციას მცხეთა-მთიანეთის გუბერნატორის ადმინისტრაცია ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.