დაბა მესტიაში ლეო ფილფანის სახელობის სახალხო და ფოლკლორის თეატრის აღდგენითი სამუშაოები მიმდინარეობს. როგორც GUARDIAN.GE-ს მესტიის მუნიციპალიტეტის მერიაში განუცხადეს, პროექტის 85%-ს საქართველოს მუნციპალური განვითარების ფონდი (მსოფლიო ბანკი), ხოლო 15%-ს ადგილობრივი ბიუჯეტი აფინანსებს. სამუშაოებზე, რომელიც 2016 წელს დაიწყო, ჯამში, 4334237.00 ლარი დაიხარჯება.
GUARDIAN.GE მიმდინარე სამუშაოებზე მშენებლობის მენეჯერს, მურთაზ როდონაიას ესაუბრა. როდონაიას თქმით, თეატრის აღდგენითი სამუშაოები წელს დასრულდება.
„შენობაში განთავსდა საზაფხულო ამფითეატრი. ამფითეატრში სამუშაოების 80% ამ დროისთვის შესრულებულია. I სართულზე გათვალისწინებულია ფოიე. ფოიეში გამოყოფილია ადგილი მომსვლელთა მისაღებად, საგამოფენო დარბაზისთვის და ასევე გათვალისწინებულია ცენტრალური ადგილი სვანური კულტურულ–ისტორიული მონუმენტისთვის. ფოიეს სივრცეშია მცირე საგარდერობე და სველი წერტილები მომსვლელთათვის, ასევე ფოიე უშუალოდ უკავშირდება სამაყურებლო დარბაზს, რომელიც მრავალფუნქციურია და გათვლილია 150 ადგილზე.
I სართულზე ასევე განთავსებულია ადმინისტრაციული ნაწილი, რომელიც ითვალისწინებს, დირექტორის ოთახს სველი წერტილით, სამუშაო ოთახს 3 ადგილზე და სალაროებს. აქვე იქნება ოთხი საგრიმიორო სველი წერტილებით, სარეკვიზიტო და სამრეცხაო.
შენობის II სართული გაყოფილია 2 ბლოკად - პირველ ბლოკში განთავსდა სარეპეტიციო სივრცე და საგარდერობე, მეორე ბლოკში კი, რომელიც ჩნდება საპროექტო დაშენების სახით, სასტუმროს აბსოლუტურად იზოლირებული ექვსი ნომერი, თავისი სველი წერტილებით, განთავსდა.
დაგეგმილია საპროექტო ტერიტორიის შემოღობვა და კეთილმოწყობა. რაც შეეხება უსაფრთხოების ნორმებს - დაცულია. მშენებლობაზე დასაქმებული ადამიანები არ მუშაობენ სპეცტანსაცმლის გარეშე. ტარდება ინსტრუქტაჟი", განუცხადა როდონაიამ GUARDIAN.GE-ს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.