პოტენციის დროებით დაქვეითებაზე სხვადასხვა ფაქტორი მოქმედებს. ესენია: სტრესი, ფიზიკური და ფსიქოლოგიური დატვირთები. პოტენციაზე აგრეთვე უარყოფითად მოქმედებს ალკოჰოლი და თამბაქო. მოწევა ავიწროვებს სისხლძრღვებს, რის გამოც მცირდება სასქესო ორგანოების სისხლით მომარაგება. თუ პოტენციის დაქვეითებაზე იმოქმედა სტრესულმა სიტუაციამ, მიეცით ორგანიზმს დასვენების საშუალება.

პოტენციის ამაღლებაში დიდი მნიშვნელობა აქვს სწორ კვებას. მნიშვნელოვანია ისეთი ცილოვანი საკვების მიღება, როგორიცაა კვერცხი, ხორცი, თევზეული. სქესობრივი აქტივობის გაძლიერებას განსაკუთრებით ხელს უწყობს შემდეგი პროდუქტები:

მარწყვი და ჟოლო

მარწყვი და ჟოლო მნიშვნელოვნად აძლიერებენ პოტენციას. ისინი დადებითად მოქმედებენ, როგორც მამაკაცის, ასევე ქალის სექსუალურ აქტივობაზე, რისი მიზეზიც მათში შემავალი მინერალი თუთიაა. ის ხელს უწყობს ჰორმონ ტესტოსტერონის გამომუშავებას და ადვილად აღაგზნებს ორივე სქესის წარმომადგენელს.

ნუში

ნუში მდიდარია E ვიტამინითა და კალციუმით, რაც საუკეთესო საკვებია ტვინისთვის და აძლიერებს სქესობრივ ლტოლვას.

ავოკადო

მასში შემავალი ცხიმები და ვიტამინები ხელს უწყობენ მამაკაცის სათესლე ჯირკვლების ფუნქციონირებას.

ქოქოსი

ეს ხილი ზრდის სპერმის რაოდენობას და წმენდს შარდის ბუშტს. უმჯობესია თაფლთან შერეული ქოქოსის წვენის მიღება, რაც პოტენციის ამაღლებაშიც დაგეხმარებათ.

არაჟანი

სპეციალისტთა თქმით, მისი სისტემატიური მიღება ხელს უწყობს პოტენციის ამაღლებას.

ხმელი სუნელი

ეს სანელებელი პოტენციის ძლიერი სტიმულატორია. მეცნიერების კვლევით დადგინდა, რომ ხმელი სუნელი მამაკაცის ლიბიდოს მინიმუმ მეოთხედით ზრდის.

http://active.ge/2013/12/12/6-%E1%83%9E%E1%83%A0%E1%83%9D%E1%83%93%E1%83%A3%E1%83%A5%E1%83%A2%E1%83%98-%E1%83%A0%E1%83%9D%E1%83%9B%E1%83%94%E1%83%9A%E1%83%98%E1%83%AA-%E1%83%A1%E1%83%94%E1%83%A5%E1%83%A1%E1%83%A3%E1%83%90/