ქ. ხობში „აწარმოე საქართველოში“ ფარგლებში ბიზნესმენ ემზარ ბასილაიას ინიციატივით, შპს „ფიგარო“ - სამშენებლო მასალების საწარმო გაიხსნა. საქართველოს პრემიერ-მინისტრმა ირაკლი ღარიბაშვილმა, სამეგრელო-ზემო სვანეთის მხარის გუბერნატორმა ლევან შონიამ, ხობის მუნიციპალიტეტის გამგებელმა გოჩა ქაჯაიამ, ადგილობრივი ხელისუფლების სხვა წარმომადგენლებთან ერთად საწარმოში ნედლეულის მიმდინარე წარმოება დაათვალიერეს.
კომპანია აწარმოებს სამშენებლო მასალებს, მათ შორის სამშენებლო ბლოკის მოსაპირკეთებელ ფილებს, მშრალი სამშენებლო მასალების ნარევებს, პოლუპროფილენის ყუთებს ციტრუსისა და სხვა ხილის შესანახად.
წარმოებაში 2 მილიონ ლარამდე ინვესტიცია განხორციელდა. საწარმოში ამჟამად 30 ადამიანია დასაქმებული. რამდენიმე დღეში ქარხანა სრული დატვირთვით ამოქმედდება და მასში 50-მდე ადამიანი დასაქმდება.
საწარმოს ამუშავება ხელს შეუწყობს სამეგრელოს რეგიონის შემდგომ განვითარებას. წარმოებული პროდუქცია გაიყიდება ქართულ ბაზარზე. სამომავლოდ დაგეგმილია წარმოების შემდგომი გაფართოება და ახალი საწარმოების შექმნა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.