ვანის მუნიციპალიტეტის მერიის მიერ გამოცხადდა ელექტრონული ტენდერი 6 სხვადასხვა დასახელების ინფრასტრუქტურული სამუშაოს განხორციელებაზე, რაზედაც რეგიონებში განსახორციელებელი პროექტების ფონდიდან 2 474 121 ლარი გამოიყო.

1. ამაღლება-საპრასიის ადმინისტრაციული ერთეულების დამაკავშირებელი საავტომობილო გზის რეაბილიტაცია /ინაშაურის მიმართულებით/ (შესყიდვის სავარაუდო ღირებულებაა 700 000.00 ლარი).

2. ბზვანის ადმინისტრაციული ერთეულის დაფნარი-ვანი-ბაღდათის მაგისტრალთან დამაკავშირებელი საავტომობილო გზის რეაბილიტაცია. (შესყიდვის სავარაუდო ღირებულებაა 561 913.00 ლარი ).

3. ქ. ვანში ჩუგნაძის ქუჩისა და სოლომონ მეორეს ქუჩის მეორე შესახვევის საავტომობილო გზის რეაბილიტაცია.

4. ქ. ვანში თავისუფლების ქუჩის შესახვევების (მე-3, მე-4, მე-5 მე-6) საავტომობილო გზის რეაბილიტაცია (ქ.ვანში ორივე დასახელების სამუშაოს შესყიდვის სავარაუდო ღირებულებაა 778 808.00 ლარი).

5. ზედავანი-გადიდის ადმინისტრაციული ერთეულების დამაკავშირებელი საავტომობილო გზის რეაბილიტაცია.

6. სულორის ადმინისტრაციულ ერთეულში შოშიტაშვილების უბანში საავტომობილო გზის რეაბილიტაცია (ზედავანსა და სულორში ჯამურად, შესყიდვის სავარაუდო ღირებულებაა 433 400.00 ლარი).

სამუშაოების შესყიდვის ბოლო ვადაა 6 თებერვალი, რის შემდეგაც აღნიშნულ გზებზე დაიწყება სარეაბილიტაციო სამუშაოები, რომელიც დაახლოებით ორი თვის განმავლობაში დასრულდება.

ინფორმაციას ვანის მუნიციპალიტეტის მერია ავრცელებს.