2018 წელს საქართველოს პარლამეტმა მიიღო კანონი შრომის უსაფრთხოების შესახებ, თუმცა სამშენებლო ობიექტებზე უსაფრთხოების წესების დაცვა კვლავ პრობლემად რჩება.

შრომითი უსაფრთხოების ზომების მაქსიმალურად დაცვის მიზნით, 1 ივლისიდან მუნიციპალიტეტები, შესაბამის უწყებებთან ერთად, იწყებენ ინტენსიურ მონიტორინგს.

პრევენციისა და უბედური შემთხვევების მინიმუმამდე დაყვანის მიზნით, 13 ივნისს 14:00 საათზე, ქ. თბილისის მუნიციპალიტეტის საკრებულოში, გაიმართება სამუშაო შეხვედრა დეველოპერულ კომპანიებთან.

შეხვედრას თბილისის მერი კახა კალაძე გაუძღვება. ღონისძიებაში მონაწილეობას მიიღებენ საქართველოს პარლამენტის, ეკონომიკისა და ჯანდაცვის სამინისტროების წარმომადგენლები, ბიზნესომბუდსმენის აპარატი.